Gerensia a disidí buta trahadónan di CMC cu a drenta den file di Pik Pisas sin autorisashon riba Non Aktive.
Tin hopi kos tumando luga simultaneamente pa e comunidad di Korsou pero tambe pa bienestar di Pisas.
Aktualmente e kondishon di salú en general di Pik Pisas ta hopi bon, tin un tratamento ku lo tuma luga ku e mester a skohé kon e ke hasie i esaki ela disidí di hasie ku tablet i pa e motibu aki e lo ta 3 dia mas den Hospital deskansando. Su netvlies di wowo ta afektá i pa e motibu aki dr. ta rekerí di un tratamentu di 72 ora tambe. Gobernashon nobo a siguí kana su rumbo no opstante di su ousensia fisiko, den oranan di merdia awe Pik Pisas a firma e dokumentonan nesasario pa esaki siguí avansa pa nos tur su bienestar.
Nos di MFK ta pidi tur hende hinka Gilmar “Pik” Pisas i Korsou, e nashon kompleto den orashon: Pidiendo pa nos ta kubri ku e sanger presioso di Hesus, ku nos entradanan i nos salidanan ta kubrí den nomber di Hesus.
