31 miembro di e team di Hilton Aruba a hala faha mara
y join ARUBA DOET 2022, e evento boluntario di mas grandi riba e isla. E evento ta wordo organisa pa CEDE Aruba den cooperacion cu Oranje Fonds, un organisacion non-profit di Reino Hulandes. Hunto nan a mobilisa mas cu 3,000 boluntario, trahando riba 190 proyecto.
E team di Hilton Aruba a wordo asigna cu e trabao pa verf e cura di Xander Bogaerts Basis School na San Nicolas. E team sumamente motiva tabata contento di por tin e oportunidad pa participa den e evento boluntario aki y sinti orguyoso di por representa un compania cu ta pusha pa duna bek na comunidad.
Hilton a haci un donacion di manpower, biniendo cu boluntarionan di e miembronan di team yena di motivacion for di Departamento di Recursonan Humano, IT, Revenue, Commercial Services, Security, Accounting, Engineering, Front Desk y Executive Office Departments. Nan a verf henter e cura di scol, incluyendo mesanan di picnic y camanan di flor, den un forma hopi alegre cu combinacionnan di colornan fabuloso, kedando fiel na e promesa di e organisacion por medio di haci bon y pasando bon na mesun tempo.
Hilton su programa ta e compromiso y strategia cu ta e motor tras di biahe responsabel y turismo globalmente, regarda manera un parti integral di e compania su actividadnan general di sostenibilidad. Trabao boluntario, ta forma gran parti di e nucleo di Hilton Resort su cultura,
mayoria di biaha resultando na miembronan di team haciendo donacion di nan tempo y servicio pa duna bek na comunidad.
ARUBA DOET, tabata parti di un organisacion hopi mas grandi cu NL DOET, ARUBA DOET, BON DOET, CURA DOET, STATIA DOET y SMX DOET, tur pasando na mesun momento, na Hulanda y islanan di Reino Hulandes, tur riba e mesun dia. E fondo Hulandes ta haci inversionnan enorme den causanan social riba nos islanan, y tambe fortalece e relacion entre islanan y Reino. www.oranjefonds.nl
