Tourism Corporation ta lansa e “Bonaire Culinary Workshop Program”

Come manera un Boneriano como parti di e esfuersonan di capital culinario Tourism Corporation Bonaire (TCB) ta contento di por anuncia su oferta nobo, yama ‘Bonaire Culinary Program’ como parti di su esfuersonan di Capital Culinario. Den liña cu su strategia di diversificacion TCB ta Reconoce e importancia di e oferta Culinario di Boneiro. For di e ultimo resultadonan di investigacion a resulta cu nos oferta Culinario ta un di e 5 motibonan mas principal pa bishita nos isla Boneiro.

Cu introduccion di e programa di Boneiro Culinary Workshop (tayer culinario di Boneiro), awor aki bishitantenan por cera conoci cu experencia culinario local autentico. E experencianan aki ta mas cu solamente purba di nos cuminda local, pero tambe informa y inspira nos bishitantenan tocante tradicionnan culinario local y tocante con nan por prepara nos platonan local.

E programa di tayer culinario aki ta e sitio perfecto caminda tanto nos poblacion local como nos bishitantenan por haya informacion di e tayernan di cuminda cu ta disponibel na nos isla y con nan por haci reservacion pa esakinan. Ta trata di un bista tras di cortina y con ta prepara nos cumindanan local y bo por experencia pa come manera un Boneriano.

Kico bo por espera?

E experencia aki ta mustra e cultura culinario bibo di Boneiro, cu un enfoke riba e manera con nos ta cushina y prepara nos platonan. E platonan ta varia dependiente di e ingredientenan cu ta disponibel den cierto temporada na nos isla. Ningun tayer no ta mescos y ningun di nan recetanan tampoco.