Cu orguyo Tourism Corporation Bonaire ta continua cu su tradicion di reconoce personanan excepcional cu a duna un aporte significante na Boneiro su sector turistico. Pa medio di e programa di Bonaire Friends nos ta celebra e dedicacion incesante y caluroso hospitalidad di personanan sobresaliente, caminda nos ta reconoce nan esfuersonan extraordinario pa mehora experencia di nos bishitantenan.
Nos ta contento di por anuncia cu nos a añadi cuater persona remarcabel mas na nos lista cu ganado di Bonaire Friends:
Darcy – Pa 10 aña caba Darcy ta e cara hospitalario cu ta saluda sambuyadonan na e sitionan di buceo di Dive Friends. Su sonrisa contagioso y su entusiasmo pa yuda sambuyadonan cu nan ekipo a hacie un figura hopi keri den mundo di buceo. Darcy su pasion pa Boneiro no ta solamente evidente den su trabou, pero tambe den su presencia riba medionan social, caminda cu orguyo e ta laga tur hende mira con bunita nos isla ta.
Helen Thode – Un di nos embahadornan a nomina Helen. Su acercamento hospitalario y informativo cada biaha ta laga un impresion permanente atras cerca nos bishitantenan. Helen su dedicacion pa loke ta trata comparti e ultimo eventonan y acontesimentunan na Boneiro, ta crea un sintimento di efectividad cerca nos bishitantenan. Su acercamento personal y envolvimento caluroso ta soru cu nos bishitantenan ta sinti nan mes amigo di honor di Boneiro.
Jessica – Jessica su hospitalidad excepcional a hunga un rol crucial na momento di transforma un vakantie di snorkel den un experencia na Boneiro cu a cambia bida di un pareha. No obstante circunstancianan imprevisto cu a haci snorkelmento imposibel, e guia cu Jessica a duna, su conocemento turistico y tambe su hospitalidad caluroso a haci nan biahe un aventura inolvidabel. Su dedicacion pa soru cu nos bishitantenan ta haña e miho experencia posibel, ta personifica e espirito di nos hospitalidad Boneriano.
Kapitan Rowan Beenakkers – E caluroso bon bini y e guia informativo di capitan Rowan a pone su stempel riba pasaheronan crucero cu ta bishita Boneiro. Su pasion pa nos isla, den combinacion cu su conocemento amplio, a hasie un figura remarcabel den sector turistico. Rowan su dedicacion pa preservacion di Boneiro su bunitesa natural y e manera cu e ta brinda experencianan excepcional na nos bishitantenan ta un ehempel lusido pa tur hende.
E programa di Bonaire Friends ta sigui pone atencion riba personanan special cu ta contribui pa haci Boneiro un destinacion extraordinario. Pa medio di reconoce e encuentronan excepcional aki, nos ke promove conexionnan berdadero y recuerdonan permanente pa tur hende cu ta bishita nos isla.
Nos ta descurasha bishitantenan pa comparti nan propio storianan tocante encuentronan excepcional cu nos comunidad local via e pagina special di Bonaire Friends riba https://bonaireisland.com/bonaire-friends/. Tourism Corporation Bonaire ta invita tur hende pa participa y pa celebra e conexionnan unico y amistadnan duradero cu ta surgi na nos isla.
E programa di Bonaire Friends ta sigui haci esfuerso pa reconoce lo miho di Boneiro, caminda ta pone enfasis riba e servicio excelente y caluroso hospitalidad di Boneiro su hendenan. E programa aki ta subraya e cultura vibrando di nos isla y ta brinda nos bishitantenan e oportunidad pa bini den contacto cu nos comunidad local, di manera cu esaki ta promove lasonan berdadero y recuerdonan cu ta dura bida largo.
