Edishon: Turismo i Kultura
Tourism Corporation Bonaire (TCB) ta organisá su di tres i último Taste of Bonaire pa aña 2022.
E evento ta tuma lugá riba djabièrnè 30 di sèptèmber 2022 den Parke Wilhelmina di 6 or pa 11 or di anochi den un tremendo ambiente. E tema pa e anochi akí ta ‘Turismo i Kultura, mi enkanto’. E Taste of Bonaire akí ta relashoná ku klousura di luna di turismo.
E programa lo ta kargá ku músika i talento i ta bai tin vários stènt ku ta bende kuminda lokal i internashonal. E agrupashonnan musikal krioyo Tutti Frutti i JC & Friends i tambe DJ Roch lo ta presente pa animá e anochi aki. Pa duna e Taste of Bonaire un toke mas atraktivo den e parti di shou lo tin un tremendo kompetensia di baile folklóriko di algun skol básiko.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djabièrnè 30 di sèptèmber 2022 na e di tres i último Taste of Bonaire pa e aña aki, ku e edishon ‘Turismo i Kultura, mi enkanto’ den Parke Wilhelmina.
Pa mas informashon por tuma kontakto ku TCB na telefòn 717-8322 òf manda un email pa Angelo Domacasse na angelodomacasse@tourismbonaire.com.
