Edishon ‘Summer’
Tourism Corporation Bonaire (TCB) ta bai organisá su di dos Taste of Bonaire pa aña 2022. E evento lo tuma lugá riba djasabra 6 di ougùstùs 2022 den Parke Wilhelmina for di 6 or di atardi pa 10 or di anochi den un tremendo ambiente ku e tema ‘Summer’.
E programa ta kargá ku musika i talento i tin vários stènt ku ta bende kuminda lokal i internashonal. Agrupashon musikal Foyan Boys lo ta presente pa animá e anochi aki. Brassband Casa de Musica i DJ Roch tambe lo sòru pa bon músika i tin presentashon di e kantidatanan pa Miss Bonaire.
TCB kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 6 di ougùstùs 2022 na e di dos Taste of Bonaire edishon ‘Summer’ den Parke Wilhelmina.
Pa mas informashon por tuma kontakto ku TCB na telefon 717-8322 òf manda un email pa Angelo Domacasse na angelodomacasse@tourismbonaire.com.
