Edishon Ban Topa
Tourism Corporation Bonaire (TCB) ta bai organisá su di tres Taste of Bonaire pa aña 2023.
E evento ta bai tuma lugá riba djasabra 17 di yüni 2023 den Parke Wilhelmina for di 6 or di atardi pa 10 or di anochi den un tremendo ambiente ku e tema Ban Topa. E taste of Bonaire akí ta relashoná tambe ku klousura di Bonaire Rum Week – Siman di Ròm Boneiru.
E programa lo ta kargá ku músika i talento i lo tin vários stènt ku ta bende kuminda lokal i internashonal. E agrupashon musikal krioyo FMK (Formashon Musikal Krioyo) lo ta presente pa animá e anochi aki. Pa duna e Taste of Bonaire un toke mas atraktivo, den e parti di show lo tin un tremendo presentashon di Majorette UNITY i tambe DJ MARV.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos djasabra 17 di yüni 2023 na e di tres Taste of Bonaire pa e aña akí, edishon: Ban Topa den Parke Wilhelmina.
Pa mas informashon por tuma kontakto ku TCB na telefon 717-8322 òf manda un email pa sr. Angelo Domacasse na angelo.domacasse@bonaireisland.com.
