Djárason 4 di novèmber a saka e ganadónan di e kompetensia di poema ku e tema “Turismo na Boneiru”. E kompetensia di poema tabata planiá pa tuma lugá den siman di turismo ku mester a tuma lugá di 21 pa 25 di sèptèmber, pero pa medidanan preventivo a opta pa posponé esaki i otro aktividatnan manera “One-Hour Coastal Clean-Up”, lansamentu di e buki “Turismo Na Boneiru, Bo Futuro!” i rekorido pa entregá e buki na skolnan básiko.
Tourism Corporation Bonaire (TCB) a kuminsá ku preparashonnan pa organisá un kompetensia di poema entre studiantenan di skolnan básiko di grupo 5 te ku 8. A hasi repartishon di e papelnan pa e kompetensia di poema na kada skol básiko dia 7 di sèptèmber i dia 18 di sèptèmber a kolektá esakinan. A risibí mas ku 350 poema i for di esakinan lo a saka e ganadónan di kada grupo. E pre-selekshon di e kompetensia di poema tabata planiá pa tuma lugá dia 21 di sèptèmber i e selekshon final kaminda ku e huradonan lo selektá e ganadónan lo mester a tuma lugá dia 22 di sèptèmber, pero pa motibunan preventivo a opta pa posponé esakinan te un otro fecha.
E kompetensia di poema a haña un fecha nobo i e pre-selekshon a tuma lugá dia 3 di novèmber na Ofisina di Turismo. Dia 4 di novèmber, e tres huradonan, Sidney Maarten, Tica Nicolaas i Lyndon Leito a saka e ganadónan di kada grupo. E studiantenan di skolnan básiko di grupo 5 te ku 8 ku a partisipá den e kompetensia di poema a demostrá nan kreatividat i apresio pa ku e turismo na Boneiru. Di mas ku 350 poema, a logra saka kuater ganadó apsoluto, kuater promé finalista i e skol ganadó.
Ganadónan apsoluto Promé finalistanan
Grupo 5
Nomber: Catalina Dorotea
Edat: 8
Skol: Kolegio Kristu Bon Wardador
Grupo 5
Nomber: Klayvin Espinal Mejia Edat: 8
Skol: Kolegio Kristu Bon Wardador
Grupo 6
Nomber: Vanity Boezem Edat: 9
Skol: Kolegio San Bernardo
Grupo 6
Nomber: J’Shua Davelaar
Edat: 9
Skol: Kolegio Kristu Bon Wardador
Tourism Corporation Bonaire, Kaya Grandi # 2, Kralendijk, Bonaire, Dutch Caribbean, Tel. (599) 7178322 | www.tourismbonaire.com Grupo 7
Nomber: Zaymari Rojas
Edat: 10
Skol: Kolegio Kristu Bon Wardador
Grupo 7
Nomber: Arlene Statie
Edat: 9
Skol: Kolegio Amplio Papa Cornes
Grupo 8
Nomber: D-Leyla Martes Edat: 12
Skol: Kolegio Rayo di Solo
Grupo 8
Nomber: Shamir Wanga Edat: 11
Skol: Kolegio Rayo di Solo
E premio di estimulo ta bai pa Kayran Schoonderwort, 10 aña di edat di Aquamarin School.
E skol ganado apsoluto ta Kolegio Kristu Bon Wardador.
Di 9 pa 13 di novèmber ta siman di buki, i TCB a haña un bon oportunidat pa kombiná esaki ku e kompetensia di poema i e lansamentu di e buki di turismo titulá: “Turismo Na Boneiru, Bo Futuro!” tambe e rekorido pa entregá e buki na skolnan básiko. Dia 6 di novèmber, lo lansá e buki na Ofisina di Turismo. Dia 9 i 10 di novèmber lo hasi e rekorido pa entregá e buki na skolnan básiko. Tambe lo otorgá e premionan di e kompetensia di poema na e ganadónan.
TCB ta felisitá tur e ganadónan di e komptensia di poema i ta gradisí tur studiante ku a partisipá!