Save the date
E festival nobo di ròm ku mas tantu ambiente den region karibense ta bèk pa e di dos edishon na aña 2023 ku un siman yen di evento fantástiko di ròm i kulinario.
E Siman di Ròm Boneiru di e aña akí, presentá pa Caribbean Journal den kolaborashon ku Tourism Corporation Bonaire (TCB), ta dura di 12 pa 16 di yüni 2023 ku un programa kompleto di purbamentu di ròm, fiesta riba bich, seminario pa bartènder, sena den kombinashon ku ròm i vários kombinashon ku sigá.
Ta klousurá e evento dia 16 di yüni ku un agregashon nobo pa aña 2023, na momentu ku e popular Taste of Bonaire uni forsa ku Siman di Ròm Boneiru pa un fiesta kulinario ku un toke di kaña den kurason di Playa. “E promé edishon di Siman di Ròm Boneiru tabata un éksito enorme i den 2023 e ta bira mas grandi i mas mihó”, segun Alexander Britell, redaktor i editor di Caribbean Journal, ku ta organisá Siman di Ròm Boneiru den kolaborashon ku TCB.
Nobo pa e aña akí ta tambe un kompetensia di kòktel ku ta kubri henter nos isla, kaminda bishitantenan i habitantenan lokal por purba kòktel den e mihó barnan di Boneiru i kaminda durante e siman akí nan por vota online pa nan favoritonan. Riba e último dia nan ta anunsiá e mihó kòktel di Boneiru.
“Despues di un eksitoso promé edishon gustosamente huntu ku Caribbean Journal nos ta organisá e di dos edishon di Siman di Ròm Boneiru”, segun Miles B M Mercera, direktor di TCB. “Durante e edishon akí nos ta spera ku mas partner ta djòin, di manera ku e por bira un siman eksitante, kaminda nos poblashon lokal i nos bishitantenan por meskla ku otro, miéntras nan ta eksperensiá e esena kulinario di Boneiru.”
E evento ta tira lus riba tantu e kultura floresiente di ròm i kòktel na Boneiru, komo riba e esena kulinario kandente, ku un kolekshon envidiabel di restorant, entre otro e restorant number unu den nos área karibense ku ta Brass Boer na Delfins Beach Resort.
“E evento akí ta tremendo i totalmente úniko”, segun Guy Britton, vise presidente ehekutivo i redaktor en hefe di Caribbean Journal. “E forma den kua ta organisá i manehá kada evento ta representativo pa e spesialidatnan di kada hotèl i kada restorant. E evento ta ofresé un selekshon hopi personal di e eksperensianan úniko di Boneiru.”
Pa mas informashon bai riba Bonaire Rum Week òf manda un email na rum@caribjournal.com.
I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.
