Den luna di aprel e di dos edishon di ‘TravDay event’ a tuma lugá. Na e di dos edishon di TravDAy akí Boneiru tabatin un lugá prominente na e evento. Huntu ku tantu Aruba komo Kòrsou por a haña Boneiru den e sekshon karibense.
‘TravDay event’ ta un evento di biahe internashonal ku Travel Media ta organisá, kaminda representantenan di ofisinanan di turista, agensianan di biahe, operadónan di tour, akomodashonnan, kompanianan di aviashon, hürdónan, kompanianan di seguro i IT ta para kla pa suministrá interesadonan ku e último informenan tokante nan produktonan i servisionan.
Danki na éksito di e evento i e mas ku 650 profeshonal di biahe ku tabata presente den Gooiland Hotel na Hilversum – Hulanda, Boneiru a atraé hopi profeshonal di biahe ku kier a sa mas tokante e destinashon. Tambe Ryan Hart, liaison di TCB na Hulanda, a duna un presentashon plenario na mas ku 40 agente di biahe.
Tourism Corporation Bonaire ke gradisí henter e tim di Travel Media pa a organisá e eksitoso evento akí i pa e echo ku nan a duna Boneiru e oportunidat pa presentá nos isla na profeshonalnan di biahe hulandes.
