Tourism Corporation Bonaire a rekonosé 5 wéspet for di Brazil i un di Noruega komo embahador di Boneiru

Den luna di yüni, Tourism Corporation Bonaire (TCB) a duna rekonosementu na seis wéspet di kua sinku ta prosedente di Brazil i un di Noruega.

Jose Roberto Ferrara i Maria Cristina Ciomei ku respektivamente 11 aña di bishita na nos isla, Margareth Almeida ku 12 aña di bishita na Boneirui nan amigunan Antonio i Selma Martello ku ta bishitando nos isla pa 16 aña konsekutivo. Nan tur ta prosedente di Brazil, i tur aña ta trese amigunan huntu ku nan pa bin disfrutá di un fakansi aki na Boneiru.

Tambe a duna rekonosementu na Annikken Nygaard di Noruega, pa su 12 aña di bishita na Boneiru. Tabata Helen Mercera-Thode ku a ofisialisá e seremonia i a hasi entrega di e sertifikado i e fenetanan ku ta korespondé ku e kantidat di aña ku nos embahadornan ta bishitando Boneiru.