Tourism Corporation Bonaire (TCB) a organisá pa di
dos biaha un tremendo spùrtògt relashoná ku luna di turismo ku a resultá eksitoso pa nos
muchanan. E spùrtògt a tuma lugá riba djasabra 21 di sèptèmber 2024 entre 10 or di
mainta pa 12 or di mèrdia den área di Kralendijk.
Un total di 8 grupo, ku kada un 5 hóben akompañá pa un adulto a partisipá. Kada grupo
mester a presentá un fantasia di un trahe di e bestia. Esaki tabata un tarea ku nan a haña
na momentu ku nan a inskribí. Esaki a resultá hopi kreativo i bunita. E fantasia a keda bon
ilustrá den e trahe di bestia ku e 8 gruponan a bisti.
E spùrtògt a konsistí di diferente sitio i área turístiko i históriko ku e muchanan a bishitá
ku algun aktividat rònt di esakinan.Despues di e spùrtògttur partisipante a risibí un lùnch
i un ‘goody bag’ komo opsekio di TCB.
E grupo ku a haña mas punto i ku a yega den e tempu stipulá ta e ganadó di e spùrtògt.
Sekuensia di e ganadónan ta: di tres lugá, di dos lugá i e ganadónan apsoluto di e
spùrtògt. E trahe mas kreativo tambe ta haña un premio. Entrega di premio ta tuma lugá
durante Taste of Bonaire, riba djasabra 28 di sèptèmber na unda lo kulminá e Luna di
Turismo.
