Tourism Corporation Bonaire (TCB) a organisá un tremendo spùrtògt pa hoben relaciona cu luna di turismo. E spùrtògt a tuma luga riba diasabra 23 di september 2023 entre 10’or di mainta pa 12’or di merdia den area di Kralendijk.
Un total di 13 grupo, cu cada un 5 hoben acompaña pa un adulto a participa. Cada grupo tabatin un color cu nan a representa.
E spùrtògt a consisti di diferente sitio i areanan turistico i historico cu e hobennan a bishita kompañá tambe ku algun aktividat rònt di esaki. Despues di e spùrtògt tur e participantenan a ricibi un lunch na El Mundo Restaurant i un goody bag obsekio di TCB.
Resultado di e spùrtògt ta:
Ganado absoluto prome luga: Grupo Ros, lider yùf Raydeline Coffy.
Ganado di dos luga: Grupo Blanco, lider juf Ticia Borm.
Ganado di tres luga: Grupo Preto, lider juf Patricia Gerritzen.
Premionan extra:
Colo Creativo a resulta Grupo Blanco, lider Ticia Borm.
‘Best On Time Award’ a resulta Grupo Shinishi, lider Xaviera Rodriquez.
Premiacion lo tuma luga durante Taste of Bonaire, riba diasabra 30 di september na unda lo culmina e luna di turismo.
TCB kier a yama un danki na tur e gruponan cu a participa na e tremendo evento aki i sigur nos ta bay sigui organisa mas di e tipo di eventonan aki den futuro.
