Durante último siman, Tourism Corporation Bonaire (TCB) a duna rekonosementu na kuater bishitante mas komo embahador di Boneiru. A hasi esaki den dos kategoria, ku ta bròns i platina.
Den kategoria di bròns a honra e pareha Jeanne i Tim Hahn ku ta bishitando Boneiru pa 10 aña konsekutivo, mientras Jeffrey Gorman tambe a risibí esaki pa 10 aña di bishita na nos isla.
Señora Mischa Rus prosedente di Hulanda a risibí e rekonosementu akí den kategoria di platina. Sra Rus no ta un deskonosí na Boneiru, mirando ku nan ta doño di e kompleho di Bonaire Exclusief.
Pa tur dos okashon Helen Mercera a hasi entrega di sertifikado, feneta i plakat di rekonosementu na tur e wéspetnan.
