A honra tambe dos atleta femenino di Boneiru ku ta markando historia den eksterior
Na luna di mart, Tourism Corporation Bonaire (TCB) a duna rekonosementu na sinku wéspet ku ta bishitando Boneiru regularmente. Ta trata aki di Paula Mc Ginley, Marcos Tramell, Monique van Roomen i Ben Kastermans ku ta bishitando Boneiru pa 22 aña. Tambe a honra Davis Imschweiler pa e 20 añanan ku e ta bishitá nos isla.
Paula Mc Ginley, Marcos Tramell i David Imschweiler ta prosedente di Merka, miéntras
Ben Kastermans i Monique van Roomen ta prosedente di Hulanda. Tur nos embahadornan a risibí nan feneta di oro akompañá pa e sertifikado korespondiente.
Tambe TCB a rekonosé e rumannan Damishah i Nazira Charles pa nan kontribushon balioso sakando kara di Boneiru den eksterior.
Na nòmber di TCB, Helen Mercera i Virgy Balentin a hasi entrega di e sertifikadonan i e fenetanan na nos embahadornan di Boneiru.
