Propietario di Artisa Tito Bolivar ta sumamente contento cu e presencia di e personanan cu a participa durante nan workshop. Durante di henter e luna lo haci diferente workshopnan y esaki ta pa diferente motibo, pa e persona por relaha, pero tambe pa por siña mas di loke cu por haci como artista.
Tito Bolivar ta propietario di Artisa a cuminsa cu e galeria prome cu cosecha a cera, ya caba tabata di opinion cu mester bin mas posibilidad nan pa artistanan por siña otro artistanan of otro persona den comunidad con pa pinta con pa crea.
Sinembargo un par di luna despues cu a habri Artisa lamentablemente cosecha a cera y lamentablemente tabatin un habri unda cu artesanonan cu no tabata tin manera pa expresa nan mes y asina a lanta space21.art cu ta un galeria cu ta representa mas di 25 artesano y artista caba.
Hunto cu e parti aki a bin cu e filosofia pa duna bek na comunidad oportunidad pa siña. Asina a bin cu e idea pa yega na diferente artesanonan y artistanan den comunidad pa asina convence nan pa cuminsa duna un tiki di nan conocemento bek na comunidad pa asina por sigui engrandece loke ta arte y artesania na Aruba.
Na Artisa tur siman tin les di arte y cada pasa un fin di siman lo tin workshop. Esaki no ta solamente pa hende nan individual pero tambe por traha riba gruponan, companianan cu kier laga nan trahado tin un dia social cu arte esaki tambe ta posibel.
Banda di esaki mester bisa cu San Nicolas ta creciendo y tin diferente comerciantenan ta cumprando e edificionan den caya di San Nicolas. Esaki sigur ta stapnan positivo pa San Nicolas.