E homber di 32 aña di edad di Den Haag, kende a fayece diadomingo ultimo despues cu el a wordo tira na un café den Rotterdam Zuid a wordo likida na e sitio pa un tirador. E tiroteo a sosode dilanti di varios persona, cu a keda registra riba camara di tur angulo.
Den medionan na Hulanda a skirbi cu e victima ta un curasoleño di Den Haag Pito Rasta. Segun fuentenan di e diario e tin hopi enemigo den e ambiente criminal y ta conoci como estafador. E victima tabata un conoci di polis y hues. E asesinato a tuma luga dilanti un koffie shop/ cafe cu ta un sitio legal pa compra y benta di soft drugs (marijuana) na Hulanda.
Riba imagennan di vigilancia por mira cu rond di 03.05 alrededor di dies persona ta para dilanti di café “ Half Uurtje”, na Wolphaertsbocht na Rotterdam-Charlois. Un par di homber ta papia cu otro dilanti na e pasada di e koffieshop. Banda di e bar tin un auto blanco cu porta habri y luznan ta klik
Ora e victima ta sali for di e cafe, un homber cu un capushon ta saca un arma di candela y ta tira e homber for di cerca den su cabes. Despues e ta hinca e victima contra un auto para. E victima ta cay gravemente herida na suela y ta keda keto. E tirado mesora ta disparce for di bista y e auto blanco ta core bay. Un homber cu ta para banda di e tirado ta core bay. Na e actitud di esunnan para rond, despues di e asesinato, ta bisto cu nan lo por tabata na altura di kico lo bay pasa cu Pito Rasta, sinembargo investigacion lo determina esaki. E otro hendenan cu ta mira ta keda para un rato y despues nan ta bay trankil. E caso ta bao di investigacion.