Nos di EA News tin un TIPLINE Whatsapp y comunidad di Aruba y rond mundo nan ta comunica cu nos redaccion. Tur dia ta drenta diferente informacionnan y preocupacionnan cu ta biba den nos comunidad. Den e caso specifico aki e persona a duna di conoce cu e kier keda anonimo, pero si e por vocifera.
No ta solamente e Arubianonan ta preocupa pero e propio inmigrantenan cu tin nan papelnan na ordo y hasta esunnan cu a haya paspoort a cuminsa preocupa pa nan futuro aki na Aruba. Un ciudadano cu kier keda anonimo, pero si kier vocifera a tuma contacto cu nos redaccion via di nos TIP Whatsapp y splica loke cu e ta biba y su amiganan tambe ta biba aki na Aruba. Na momento cu nan logra pa nan tin nan papelnan na ordo nan no ta haya trabao, pero si ta mira despues e ilegalnan ta na pia di trabao. Un situacion cu ta reinando bao di e stranheronan na Aruba cu no ta mustra mucho bon.
Ta indica na momento cu nan mester busca un trabao sea ta den construccion of no, cu bo tin experiencia nan no ta tuma bo, pero si ta tuma personanan cu no tin papel pa nan paga locual nan kier. Tin indicacion cu tin hopi hende trahando sin papel. Dia pa dia e situacion ta bira mas peligroso y fastioso y pa e motibo aki mes a yega na un punto cu kier vocifera y bisa kico realmente ta pasando bao di e mercado laboral na Aruba.
Mi a scoge Aruba pa ta mi cas y mi kier pa Aruba ta un isla miho y e trabaonan mester por tin pa e personanan cu tin papel, pero e ilegalnan ta yega Aruba y ya nan tin trabao caba. Esaki ta un situacion inaceptabel y preocupante unda cu e ilegalnan no ta respeta y esnan cu ta biba na Aruba cu tin nan cas y cu ta paga belasting no ta haya trabao. Opinion publico via TIP Whatsapp
Bo tin cualkier informacion of bo ta desea di expresa e preocupacionnan cu bo tin nos di EA News tin un Tipline Whatsapp cu ta disponibel 24/7 pa conecta cubo. Whatsapp nos na 5611983
Sigui nos riba nos plataforma www.eanews.com, Instagra,Twitter, PODCAST, Youtube y Tik Tok
Click aki bao like y share
