No tin un sistema husto pa tur ciudadano na Aruba , asina ex minister Otmar Oduber ta sinti ultimamente. Segun e politico di Plataforma PAIS ta increibel con pa mira con ministerio publico ta trata politiconan. Si mester mira con Benny Sevinger a keda trata a cambio con Marisol Tromp a keda trata algo no ta cuadra.
A habri un investigacion di Aveztruz y a declara Benny Sevinger sospecho di prome dia cu e caso a keda anuncia. Asina parlamento tambe a haya informacion y parlamento por a implementa su reglanan unda cu Benny debi cu e ta un sospechoso no por representa Aruba den ningun reunion den exterior y na Aruba, pero si por ta den parlamento pa atende e reunionnan cu tin den sala di parlamento.
Sinembargo si mester bira e blachi y tuma nota di e caso di Aloe cu a bira na caminda Kukwisa y cu Marisol Tromp tabata sospechoso y na ningun momento Ministerio publico a saca un comunicado y of informa pueblo di Aruba na e mes un manera cu a haci cu a caso di Benny Sevinger den e caso di Aveztruz.
Marisol Tromp tabata 2 aña sospecho den e caso Kukwisa y no a informa comunidad y tampoco no a informa parlamento oficialmente manera e proceso di Benny Sevinger si a tuma luga. Esaki a conduci cu Parlamento no por a implementa e mes un regla cu a keda implementa cu Benny Sevinger pa Marisol Tromp, Dicon eingelijk?
Kico ta e motibo cu no a informa hefe di trabou di Marisol ? . Consecuantemente esaki a conduci cu e parlamentario manera e ta gusta haci su teatronan cu su cara di hipocrita ta biaha cu delegacionnan di Aruba representa Aruba manera nada cu su cara laba siendo di ta un sospechoso. E politico tabata den cenonan gubernamental internacional sin cu politiconan Hulandes ta na altura cu e ta un sospechoso , ta confia y duna informacion cu kisas e politico no tabatin mag y of por yega na dje debi cu ta bou di un investigacion y cu ta un sospechoso. Con por describi e manera aki di traha ? Nos ta fayendo na Aruba ?
Na momento cu Marisol Tromp no a informa parlamento cu e ta un sospechoso den un caso ta caminda cu e la kibra tur e trias politica di Aruba, Abo como un parlamentario cu ta representa e pueblo di Aruba cu su asiento a dicidi cu ta sconde un berdad pa Pais Aruba. Den e caso aki Ex minister Otmar Oduber ta kere cu ministerio publico a sconde pa Marisol Tromp tegenover di prensa pa prensa por informa comunidad , prensa no tabata haya informacion di ministerio publico, un caso na unda cu ta encera un miembro di parlamento di Aruba.
Si mester mira e otro banda di medaya Parlamentario Benny Sevinger si a keda castiga unda cu prome cu e la keda condena a notifica e parlamentario cu e no por biaha cu delegacionnan debi cu e ta sospechoso.
Aki ta caminda cu segun ex minister Otmar Oduber e conspiracion entre Aruba cu Hulanda ta cay. Con por ta posibel cu un parlamentario ta 2 aña sospechoso di husticia na Aruba y ni parlamento di Aruba cu ta e organo di mas halto di Aruba ta keda notifica pa e por tuma accion mes un cos cu Benny Sevinger? .
Marisol Tromp a gaña y falta respet na pueblo di Aruba, tur su votadornan, parlamento di Aruba, gobierno di Aruba,parlamento di Hulanda Tweedekamer y gobierno di Hulanda. Ta mustra cu Marisol Tromp posiblemente a bende su alma cu Hulanda.
Segun ex minister Otmar Oduber na momento cu mester tuma nota loke a pasa cu Benny Sevinger y actualmente loke cu ta pasando cu su persona unda cu 7 proces-verbaal falso a keda traha contra di su persona y na unda cu ministerio publico ta bay colga na un declaracion di ex minister Marisol Tromp unda cu su persona tabata su lider di su partido y cu a kita confiansa den dje , cu ainda no por papia dicon a kita e confiansa den su persona , pero e dia lo yega cu lo saca esaki afo unda como lider di partido POR e tempo ey dicon a kita confiansa den Marisol Tromp .
E mes un persona aki Marisol Tromp un luna despues na 4 di juni 2020 partido POR ta kita confiansa y su statenlid ta kita confiansa di e ex minister Marisol Tromp ,anto na Juli Marisol ta na Ministerio publico y ta entrega keho contra di Otmar Oduber unda Marisol a entrega 28 keho falso unda cu riba mesa a keda 1 acusacion despues cu a realisa cu e 28 kehonan tabata falso , awo riba mesa a keda cu ta spookambtenaar pa bay purba wak si por condena Ex minsiter Otmar Oduber riba dje.
Mirando e proceso aki , Marisol Tromp no a haci nada coruptivo ?