Bo ta puntra bo mes, ta ken a rechasa Cristo Hesus?
Awel cada momento cu hende ta haci pica y malicia consientemente, sea bay contra e palabra di Dios,
comete inmoralidad, consenti cu maldad , y aplaudi abominacion y impuresa y ninga di acepta Cristo
Hesus como nan Señor y Salbador nan ta bezig rechasando Cristo Hesus.
Hopi ta kere ta religion, pasobra nan no kier reconoce e plan di salbacion cu Dios ta ofrece na tur
hende igual riba e mundo aki, pero locual tin para scirbi den Juan 3:36 ta conta pa nos tur.
Esaki ta locual ta para scirbi: Esun cu kere den e Yiu tin bida eterno, ma esun cu no obedece e Yiu , lo
no mira bida, ma e furia di Dios ta keda riba dje.
Pakico biba leu for di Dios, si e salbacion den Cristo Hesus tey pa tur hende, y esey ta e unico
speransa cu un ser humano por tin pa drenta cielo?
Beibel ta bisa hopi cla na nos tur den Revelacion 20:15 : Si un hende su nomber no wordo haña den e
buki di bida, e ta wordo tira den e lago di candela.
Y esey ta e consecuencia di locual mundo ta practica awendia cual ta “Biba laga Biba” no ta importa
con nos biba, mas inmoralidad , violencia, odio, envidia y amargura mas bon hende kere cu nan ta
bibando.
Hende ta birando dificil pa coregi, nan no kier tende di Cristo.
E palabra di Dios ta bisa den Lucas 10:16 : Esun cu tende na boso ta tende na Mi, y esun cu rechasa
boso, ta Ami e ta rechasa, Y esun cu rechasa Mi ta rechasa Esun cu a manda Mi.
Ora un yiu no ta honra su tata y su mama e no ta rechasando su mayornan pero e ta rechasando Dios,
pesey cos no ta bay bon cune.
Hopi ta kere awendia cu rechaso di e palabra di Dios ta rechaso di Cristianismo, bisando ami si no kier
bira Cristian , buscando fout, of wak un Cristian su mal comportacion y asina nenga nan e plan di
salbacion di Dios.
Esey ta completamente robes pasobra hende mester pone nan bista riba Cristo y no riba hende, pasobra
ta Cristo Hesus por salba hende, ningun hende por salba por salba otro.Salbacion ta solamente den
Cristo Hesus.
Tur dia e palabra di Dios tey pa spierta hende pasobra ta para scirbi den Hebreonan 12:25 : Mira pa
boso no rechasa Esun cu ta papia. Pasobra si esey nan no a scapa ora nan e rechasa esun cu a spierta
nan riba tera, cuanto menos nos nos lo scapa si nos bira bay for di Esun cu ta spierta for di shelo.
Nos por ta sigur cu nos Señor Cristo Hesus lo no bira lomba pa nos, semper e lo tey pa nos, pasobra E
a primiti cu E lo ta cu nos pa semper, pasobra nada lo por separa nos for di e amor di Cristo Hesus.
E tempo den cual nos ta bibando aden ta un tempo caminda e enemigo ta concentra riba destrui famia
y matrimonio, y esnan cu no realisa esey, ta corre un gran peliger, pasobra e enemigo a bini pa horta
mata y destrui.
Cada dia esey ta tumando lugar, y cada dia mas nos por mira con comportacion di hende ta cambia.
Laga nos corda esaki: Si nos confesa nos pica, E ta fiel y husto di pordona nos, nos picanan y libra nos
di tur inhusticia.(1 Juan 1:9).
Sinceramente, Pastor Marcel Balootje.
