Den su afán pa promové artesanía i krea oportunidat pa esnan ku ke desaroyá nan talento i siña traha produkto pa bende i gana e pan di kada dia Movementu Kousa Promé ta organisá djasabra 2 di aprel próksimo un grandioso MARSHE KRIOYO kombiná ku un EKSPOSISHON di obra i téknika di arte i artesanía.
Na e marshe tin un variedat di produkto manera un kantidat di bunita obra di artesanía trahá pa artesano i artista yu di Kòrsou.
Por kumpra mata di adòrno, palu di fruta, yerba i tera di mata orgániko.
12 or di mèrdia tin kuminda krioyo: Tutu ku bakiou, stobá ku aros i bèrdura;
Lo tin tambe papa di ariña di maishi chikí, repa di pampuna i un variedat di djus fresku for di mainta tempran
Lugá: Dominguitu Papayaweg 14 Sede di Kousa Promé
Dia: djasabra 2 di aprel
Ora: 8’or pa 4’or
Tienda Kousa Promé ta warda bo na e Marshe Krioyo i e Eksposishon di artesania. Entrada ta grátis.
