Thelma Esther Polak tabata un enfermera Hudiu cu a nace na Saba cu a keda asesina den e campo di consentracion di Sobibor na anja 1943, e la keda honra unda cu a pone un plakaat na su honor na un luga conmemorativo di segunda gera mundial na The Bottom.
E conmemoracion aki a keda organisa pa Judith Meijer cu ta Director di Saba Cares , cu ta un fundacion cu ta keda dirigi door di A.M Edwards Medical center y ex directora di fundacion di trabaonan social di Hudiu na Amsterdam.
Un grupo chikito a reuni na momento di e caida di e guerra y cu tabata net riba e cumpleanos di e enfermera Thelma Polak, esaki tabata exactamente 101 anja despues cu e la nace na Saba riba 19 di december na anja 1920 como yiu di Maurice Polak un dokter Surnam cu a bin Saba pa traha.
Cu e banderanan na mita ‘’halfstok’’ Judith Meijer cu Director di Saba Cares a yama bon bini na e invitadonan. Depues cu tur hende tabatey e la duna su discurso y ta duna di conoce cu prome cu e la dicidi di muda pa Saba un anja pasa, e la lesa riba e bida di Thelma Polak riba sitenan di Hudiu ‘’Jewish Holocaust memorial’’ .
Na momento cu a yega Saba a tuma nota cu no tabatatin nada cu ta recorda Thelma Polak y e sensacion ey no tabata sinti bon. No ta trata solamente paso e la nace na Saba pero ta di mayornan Hudiu , pero tambe cu e tabata hopi orguyoso di ta un mucha di Saba. Judith Meijer cu ta Director di Saba Cares ta duna di conoce cu e la sinti e deber di conta su historia di su bida na Saba y ta loke e la haci tambe den varios ocacion y awe ta sinti manera cu nos a rebiba y trece bek su cas cu e ceremonia aki . loke ta haci e evento aki hopi special ta cu pa prome biaha den historia Judith Meijer cu ta Director di Saba Cares a conta e historia di Thelma Polak durante di servicio religioso di e siman di enfermeria cu tabata den luna di mey 2021.
Gobernador di Saba Jonathan Jonson tabata presente y a duna un relato riba echonan interesante y heroicos riba Thelma Polak.
Thelma Polak a perde su mama Estelle Arrias na momento cu e tabatatin solamente 2 anja , den comienso di anja 30 Thelma Polak su ruman Semuel Jacques y su tata a muda pa Amsterdam. Na e momento ey Thelma a bisa cu hopi orguyo na su amiganan di scol cu e la nace na Saba y cu un dia e lo kier bin traha na Saba den e mundo medico.
Sinembargo como famia Hudiu no a permiti pa Thelma studia medicina y pesey e la pone su mes como boluntario durante di e guerra y a traha na Apeldoornsche Bos cu ta un hospitaal pa personanan cu descapatisacion mental y fisico ta unda cu e la traha y studia pa enfermera.
Na momento cu e alemannan a haya e institucion den januari 1943 y a saca e 1300 pashentnan pa deportanan , Thelma a ofrece su mes como boluntario pa compaña e pashentnan y den tur e pashentnan e tabatatin un pashent favorito Abigael Santcroos di Corsou di 77 anja. Thelma a casa cu su amor Izak Cohen cu tambe tabata un enfermero na Apeldoornsche Bos , pero un luna despues di su matrimonio Thelma a bay Sobibor y e la keda ‘’vergast’’ den e campo di consentracion di Sobibor riba 5 maart 1943 cu su 22 anja. Thelma Polak tabata e unico victima Holocaust cu a nace na Saba , su nomber ta graba na e monumento Hudiu na Amsterdam.
Gobernador di Saba den su discurso a duna di conoce cu ta importante pa no solamente conta historia di segunda guerra mundial na e publico , pero tambe na tur e scolnan. Gobernador Jonson y Mijer tabatatin e honor di pone e plakaat na honor di Thelma Polak y asina Saba lo keda recorde di e amor cu e tabatatin pa su pais natal.
