KRALENDIJK,Bonaire
Tin bista riba dos disturbio ku por kousa mal tempu den área di Boneiru. Outoridatnan na Boneiru tin diariamente kontakto ku e institutonan di wer KNMI i National Hurricane Center.
Un di e disturbionan ta un ola tropikal ku ta kousando hopi awa seru i mal tempu den área di Cuba, Bahamas i sùit Florida i parti di laman Karibe. E otro disturbio ku tin na bista ta un depreshon ku ta formando den parti sentral di laman Atlántiko. E depreshon aki ku nòmber Gonzalo por drenta den nos área djadumingu i kousa hopi awa seru i bientu fuerte.
Mirando ku nos ta den temporada di orkan ta pidi un i tur pa tuma prekoushon. Pa evitá daño innesesario na kualke propiedat ta hasi un apelashon pa no laga nada ku ta los keda para den kura pa e no kousa destrukshon. Pa mas tep tokante medidanan di prekoushon ta pidi un i tur download e aplikashon Disaster Prep. Tambe por download e buki ku informashon i tep pa ta prepará pa temporada di orkan na https://bonairegov.com/sites/default/files/uploads/20180831%20-%20DEF%20Brochure%20Orkaanseizoen.pdf.
