Managers, ingenieronan y esnan di Resort Operations a keda invita pa president, Edith van der Wal hunto cu su team, Turtugaruba, pa atende un presentacion special na Costa Linda Beach Resort den preparacion pa e temporada di Leatherback Sea Turtle 2024, cual lo cuminsa na Eagle Beach den algun siman. E temporada di nesting ta normalmente core for di luna di maart te cu september. E turtuganan ta cuminsa sali entre luna di mei cu november, cual ta nifica cu e proceso di incubation ta tarda entre 60 pa 70 dia.
Basa riba experiencia di pasado, Aruba sa con e luznan artificial cu ta briya riba beah ta interfere cu e proceso d nesting y p’e turtuganan baby por haya nan caminda pa bay lama. Turtugaruba a tuma nota cu tin hopi bishitante cu ta consciente di miho uzo di luz of otro solucionnan di luz cual ta aplica na diferente parti di mundo, y nan ta puntra e organisacion cu tur hotel pa tambe haci miho trabao riba esaki na Aruba.
Turtugaruba a invita dos specialista di luz for di Sea Turtle Conservancy, FWC, Florida Wildlife Conservation, un organisacion renombra basa na Florida, USA. Nan a brinda un presentacion informativo tocante solucionnan inovativo ora ta trata e retonan aki y con pa proteha e turtuga pero tambe interes humano den un manera practico. E encuentro na Costa Linda Beach Resort tabata hopi bon atendi. E dos experto bishitante desde FWC a introduci tres regla di ‘wildlife friendly lighting.’
1. Mantene low, y mantene cerca di piso puntando abao, uzando menos watts y lumens.
2. Percura pa ta cubri, mester cubri e fuentenan di luz pa nan no ta visibel desde beach
- Tambe percura p’e ta largo, uzando luznan di 560 nanometers of mas largo.
Ta importante pa revisa cu tin instrumentonan di luz certifica pa medio ambiente, y bo por mira algun muestra riba e website di Sea Turtles Conservation, incluyendo ehempel di luz y distribucion. E website ta: https://conserveturtles.org/.
Si a caso bo mester lubida, e turtuga di lama ta regresa su beach natal pa por nest, nan ta uza e planeta su sistema magnetico pa guia nan den nan trayectorio largo den lama. Nan no ta nest tur aña, pero mas o menos cada 2-5 aña. E turtuganan di lama na Aruba ta pone entre 115 webo cada un, entre 6 pa 8 biaha den un temporada. Estimadamente 1 di 1000 turtuga ta sobrevivi y bira grandi. Mas importante: tur specie di turtuga di lama ta den peliger y mester nos proteccion.
Turtugaruba ta aprecia cualkier pregunta of remarca, por contact nan riba turtugaruba@hotmail.com of +297 592
9393 (telephone or WhatsApp)
