Un temporada record di horcan 2020 pa loke ta Atlantico a yega su fin oficialmente awe, 20 di November. Tabatin trinta (3) tormenta cu oficialmente a haya un nomber.
Coordinador di Desaster y Comandante di Bombero Clive Richardson, den nomber di Prome Minister Silveria Jacobs, presidente di e Centro di Operacion di Emergencia, ta gradicidi cu e isla a wordo gespaar di un atake complete di un horcan grandi pa e temporada record 2020 cu a mira 30 tormenta, di cual 13 a bira hocan, inclyendo seis grandi cu bientonan di 111 miya pa ora of mas.
Den un temporada normalmente tin 12 tormenta, seis horcan y tres horcan grandi.
E temporada 2020 di Atlantico a cuminsa tempran cu nuebe tormenta for di 16 di mei cu e prome hayando e nomber di Arthur sigui pa otro ocho mas den juli. Tabatin 10 tormenta cu a haya nomber cu a forma den luna di September so, esun cu mas hopi pa cualkier luna.
Di acuerdo cu “National Oceanic and Atmospheric Administration” (NOAA) cu ta cay bou Departameno di Comercio di Merca, tormentanan tropical por sigui desaroya apesar cu e fecha di e temporada a vence.
NOAA a bisa cu e temporada cu tabatin mas tormenta registra, surpasando 28, tabata aña 2005, y e di dos mas halto den cantidad di horcan registra.
Tambe esaki ta di cinco aña sigui cu un cantidad mas cu normalmente di tormenta den temporada di horcan di Atlantico, cu mas cu 18 cu ta e cantidad normal.
“Emergency Support Functions”(ESFs) di Sint Maarten a topa dia 27 di juli relaciona cu e evento di temporada di horcan.
“Nos ta hopi agradecido como comunidad. Nos a logra pasa door di e temporada di horcan hopi activo.”
“E “Disaster Management Organization of 10 Emergency Support Functions” di nos pais a tuma e precaucionnan necesario como parti di e preparativonan annual cu ta tuma luga prome cu e temporada cuminsa.”
“Apesar cu e temporada ta yega su fon, mi ta pidi tur hende pa keda alerta como cu tin otro desasternan natural of causa pa ser humano cu por tuma luga.”
“Sea semper prepara door di un caha di emergencia den cas, mescos cu ta prepara pa temporada di horcan.”
“Nos ta pasando ainda den e pandemia di COVID-19, cu transmisionnan por tuma luga, pa cual mi ta apela na tur residente y bishitantenan pa mantene nan mes estrictamente na regla di bisti tapaboca, laba man cu habon y mantene distancia di dos meter for di otronan – distanciamento social,” Clive Richardson a bisa.
E trinta tormentanan di e temporada tabata: Arthur, Bertha, Cristobal, Dolly, Edouard, Fay, Gonzalo, Hanna, Isaias, Josephine, Kyle, Laura, Marco, Nana, Omar, Paulette, Rene, Sally, Teddy, Vicky, y Wilfred.
