Kisas bo ta pensa un poco mas extremo cu pakico mester colecta awa si e temporada
di horcan a cuminsa y mester pensa riba seguridad dibo hogar y bo famia. Claro esey
semper ta bin na prome lugar. Pecura no solamente riba bo hogar y bo famia so pero
tambe tira un bista rond den cura kico por tin los cu si e biento supla mas duro cu
normal e no bula algo cu ta los cu e por causa daño na bo mes, bo famia of cai riba bo
auto. Percura pa tur locual ta los cu por bula bai por tin un manera pa sea drecha of
pone di tal forma cu e no ta causa nigun peliger ni pabo mes y mucho menos pa otro.
Recientemente algun studiante cu a bin Aruba como stagaire a hasi un estudio
riba colectamento di awa cu a duna indicacion cu tin tur posiblidad pa hasi esaki. Ta
simplemente mester tin e boluntad pa hasi esaki. Mester tin e tankinan blanco di 1000
Ltr pa por colecta e awa y mester percura pa por tin e gootnan instala na e rand di daki
di cas. Logicamente si e cas ta dispone di e regenbak lo ta ideal pa hasi esaki.
Awa ta keda caro si bo ta keda usa esaki pa cultivo chikito mes cu kisa bo por
tin. Imaginabo cu ta cultivo mas grandi lo no ta ni di papia mes.
Departamento di Agricultura, Cria y Pesca Santa Rosa semper ta keda motiva
y concientisa tur esnan cu ta cultiva un of otro product, sea fruta of berdura pa hasi lo
maximo cu na momento cu tin un poco awasero pa purba na colecta esaki. Temporada
di Horcan berdad ta den porta pero lo ta bon berdad pa hasi algun preparacion y/of
inversion pa por yega na sea ta bari of tankinan blanco di 1000 Ltr pa por colecta
poco awa. Claro mas tanki of bari cu por tin ta mas awa bo por colecta cu por tin un
duracion mas largo pa iriga bo cultivo. Inverti den “gootnan’ rond di e dak di cas cu
por “catch” e awa y conecta esaki pa e bai na e bari of tankinan cu por tin. Percura si
na momentto cubo ta colecta awa den bari of tankinan pabo no crea otro tipo di
problema. Referiendo na crea un criadero di sangura cu por bira Dengue y trece bo
salud y dibo famia den peliger. Ta casonan cu a yega di pasa pa motibo cu e bari of
tankinan na momento cu awa a wordo colecta nan no a wordo tapa y esaki a trece
cune e problematica di sangura di Dengue. Percura pa por tin un manera pa pone un
tapa pa e bari of e tanki. Por usa tambe un tshirt cu no ta wordo usa mas y cu por habri
esaki y fungi como un tapa pa e bari of tanki. Si por usa e mesun tapanan di e tanki.
Por haya cumpra tambe productonan special pa tira den e awa contra e sangura. Asina
evita cu e sangura ta pone webo den e awa y aseki ta transforma den e larva y despues
e larva ta bira e sangura di dengue. Mescos ta conta pa regenbak, pero pa regenbak cu
ta mas grandi por hasi uso di piscanan “Tilapia” cu por tiranan den e regenbak y e
piscanan aki ta come e larvanan di sangura cu ta evita di bira un criadero di Dengue.
Hasi bon uso di e temporada di awasero cu kisas nos por haya algun yobida
poco fuerte y colecta bo awa y asina usa esaki conciente pa medio di un sistema di
irigacion cu ta ydabo spaar mas tanto awa posibel riba bo cultivo pero tambe riba bo
meter di awa y bo recibo di fin di luna cu por ta astronomico. Corda tambe cu ta calor
y kisas e matanan mester un poco awa extra y cu na mes momento ta yudabo tambe
cu e extra awa cubo tin cu bai duna bo matanan.
