Minister di transporte , integridad y asunto di adultonan mayor Ursell Arends no ta mucho bon mira den bista di taxistanan y diferente negoshantenan cu ta den mundo turistico, specialmente esunnan cu ta embahador di Aruba cu ta esunnan cu ta duna e servicio na e turistanan y ta percura pa nan pasa un dushi dia na Aruba.
Den conferencia di prensa a puntra minister di transporte riba su maneho mes pa e departamento di Dienst Openbaar Personen Vervoer (DTP) , ta conoci cu e departamento di DTP no for di awo pero for di basta tempo caba ta keda neglisha y taxistanan mes ta busca solucion pa nan preocupacion, ora pidi reunion no ta haya. Esaki ta indica cu pa añanan largo e departamento aki no tin un funcionamento bon y ni e mandatario y ni e director a drecha e situacion y tampoco no a traha riba un posibel solucion.
Sinembargo Minister di transporte Ursell Arends a duna di conoce cu e Ministeriële Beschikking MB cu a ser duna ta dos aspecto cu e mandatario ta kere cu mester a keda atendi mesora, pero na mes momento tambe e mandatario ta splica cu e maneho di transporte publico di Aruba ta na parlamento ter inzage. Segun Minister Arends e motibo cu no a presenta esaki publicamente ainda ta debi cu tabata warda riba e conseho di e comision cu a keda institui for di augustus y of ta juli di 2021 pa por atende cu e tematica di UTV y ATV .
Sinembargo segun e mandatario siman pasa a ricibi e conseho di e comision y cu dia 13 di augustus lo presenta e maneho den conseho di minister y lo discuti riba dje y asina cu keda cla lo finalisa e maneho di transporta publico cu ta encera tambe e taxistanan, UTV y ATV y ta premira cu pa fin di e luna di augustus lo e keda publica.
