TCB ta lansa kampaña nobo riba pagina social pa e merkado Hulandes

Tourism Corporation Bonaire(TCB) ta lansa un tremendo kampaña,
enfokando riba e merkado Hulandes. E titulo di kampaña ta: ‘Jouw Vrienden op Bonaire’. E
kampaña lo kuminsa dia 1 di yüni te ku 27 di yüli. Por sigui e kampaña riba TCB su pagina di
Facebook i Instagram @BonaireToerisme.
E kampaña aki ta konsistí di diferente video i tambe potrèt. E meta di e kampaña ta pa lanta
e konfiansa den e merkado Hulandes pa bishita Boneiru. E kontenido di e kampaña aki, a
duna diferente kara lokal e oportunidat pa presenta i konta nan eksperiensa personal di
diferente lugarnan i algún aktividat na Boneiru pa enkurasha e turista Hulandes pa bishita
nan.
Entrante 19 di mei 2021 kódigo hel ta konta ofisialmente pa Boneiru. Pa Hulanda Boneiru ta
un pais di riesgo abou. Turistanan Hulandes ta wèlkòm bèk na Boneiru ku un resultado
negativo di NAAT(PCR)-test ku a laga hasi maksimalmente 24 ora promé ku salida òf un
resultado negativo di NAAT(PCR)-test, ku a laga hasi maksimalmente 72 ora promé ku
yegada na Boneiru í un resultado negativo di tèst antigéniko ku a laga hasi maksimalmente
24 ora promé ku salida. Tambe tur biahero mester yena un deklarashon di salú di
departamento di Salubridat Públiko pa mas tardá 72 ora i no mas lat ku 48 ora promé ku
salida.