Tourism Corporation Bonaire (TCB) ke ekspresá su apoyo i
mihó deseo ora nan ta anunsiá ku Miles B. M. Mercera, ku a sirbi komo Direktor for di 2021,
lo renunsiá for di su posishon na final di 2024. E inisiativanan importante i e negoshi di
turismo lo sigui bai dilanti ku señor Mercera komprometiendo su mes na TCB durante e
restu di aña.
E Hunta di Direktiva di TCB i BHM lo inisiá e proseso di buska un sustituto pa yena e ròl,
den e lunanan ku ta bin. E Hunta ta ekspresá su gran gratitut pa e kontribushon ekselente
i liderato demostrá pa señor Mercera durante su mandato di 2021 te 2024.
Miles B. M. Mercera a kompartí: “Ta ku sintimentu miksto mi ta anunsiá mi renunsia. Mi ta
agradesí pa e konfiansa i oportunidat duná na ami e último añanan akí. Manera bo por
imaginá, no tabata un desishon fásil pa sali for di e organisashon òf e ekipo eksitoso ku
mi ta sinti mi tan agradesí pa a traha huntu kuné. Mi tempu ku TCB tabata enfoká riba
entregánan hopi spesífiko pa e sektor di turismo ku nos a mira kumpli, manera e
lansamentu di e ‘branding’ nobo di destinashon titulá It’s in our Nature, introdukshon di e
Visitor Entry Tax, e strategia di merkadeo basá riba data i logranan di servisio aéreo. E
tempu a parse di ta korekto pa buska otro kaminda i laga un sustituto kompartí un vishon
òf enfoke nobo. Mi enfoke den e lunanan ku ta bin ta riba un periodo di transishon suave
i finalisá proyektonan manera e Plan di Akshon 2025, e lansamentu di JetBlue i Corendon,
e Tourism Summit na sèptèmber 2024, i e ehekushon di e Regatta Festival 2024.”
E anunsio akí ta hasí na nòmber di e Hunta di Direktiva di TCB den kolaborashon ku e
Direktor aktual, Miles Mercera.