Grupo di taxistanan tabatin reunion cu minister di transporte Ursell Arends na bestuurskantoor . E grupo di taxistanan tabata hunto cu nan abogadonan y asina por a sinta na mesa di negociacion. Abogado Vito Carlo a hiba palabra y ta duna di conoce cu e reunion a bay hopi bon.
Aunke cu no a trek in e MB nan ta sinti cu e reunion a bay hopi bon. Segun e abogado minister abase di e landsverordering semper tabatin e “bevoegdheid” poder pa nenga un peticion. No ta asina cu si un taxista haci un peticion pa pasa over su permiso di taxi na un familiar cu nan lo haya esaki. Den e caso aki e ley ta bisa cu por “kan”.
Sinembargo e MB cu minister di transporte Ursell Arends a haci na prome instante cu e ta actualmente, e taxista ta wordo nenga per direct y esaki ta contra di ley. E minister no por nenga e taxista e permiso vooraf.
Segun abogado Vito Carlo pa su gran sorpresa minister a expresa cu nan ta trahando riba un MB nobo pa aclaria y pone acerca e MB cu tin actual, dus e MB cu tin lo keda pero na mes momento ta duna di conoce cu lo aclaria kico ta bay ta e idea di minister.
Actualmente Minister Ursell Arends su idea ta pa tin un comision independiente cu ta bay conseha minister di transporte publico pa ora di peticion pa dragover un permiso pa famia, e comision lo bay wak si ta irasonabel pa no pasa e permiso si of no y asina e mandatario lo bay tuma e decision riba e decision di e comision. Actualmente minister Arends pa prome di september no ta bay nenga tur peticion, pero e ta bay evalua, esaki ta segun ley.
Por bisa cu e taxistanan nan esfuerso y lucha por bisa cu nan a logra, pero prome cu esaki e MB cu ta supose di bay aclaria y cu ta specifica con nan ta maneha, mester sali prome cu 1 di september. Di parti minister Ursell Arends esaki lo ta e caso y ya caba ta trahando riba e parti aki y na unda ta ricibiendo informacion con lo e keda aplica y esey ta bay ta den un MB nobo.
Debi na esaki ya caba ta poni riba agenda pa otro siman e grupo di taxista hunto cu nan abogadonan pa t’ey bek na bestuurskantoor dia 21 di augustus pa 4 or di atardi pa un otro reunion pa asina mira con a bay. Segun abogado Vito Carlo den corto por bisa cu e taxistanan y minister a yega na un acuerdo cu otro. Minister ta yega na e maneho cu e kier aplica pero awo conforme ley via di un comicion y cu ta pone cu awo e taxistanan por traha trankil y no tin nodi di blokia caminda mas.
Segun abogado Vito Carlo ya caba tin un concepto di e MB nobo con nan ta bay voeruit e MB nan , esaki ta e parti interesante y nobo debi un cambio di ley no ta un minister ta haci esaki pero ta parlamento ta haci cambio den ley y si e minister kier haci e parti aki e mester bay parlamento pa cambia e ley y esaki tin un otro caminda pa cana.
Na mes momento abogado Doris Canwood cu tambe ta abogado di e taxistanan ta duna di conoce cu loke cu tambe a ser bisa cu e conseho di e comision lo ta publico y e conseho tur hende por haya esaki. Porehempel si e comision ta bisa pa minister otorga e permiso y tog minister ta para ariba cu no ta asina por haya e conseho debi cu e ta publico y ta tuma nota cu e minister ta bay contra di e conseho di e comision cu e mes a establece, e parti aki tambe e taxistanan por uza na momento cu e taxi ta bay corte pa e por haya e traspaso di e permiso di un familiar.
Sinembargo te ainda no ta mucho cla kico ta e puntonan cu e comision ta evalua pa cu e traspaso, pa e famia por haya e permiso y cu por conseha minister, ta puntonan ainda cu mester bin padilanti, ta cu ki wowo e comision ta wak e traspaso y kico ta e reglanan di evaluacion cu por haci e traspaso si of no pa e famia sigui eherce e trabou como taxista si of no.
Tampoco no ta conoce riba e caso nan di bendemento di permiso cu tin kico ta loke minister lo haci cu e parti aki y con su maneho riba posibel bendemento di permisonan cu tin y cu ta pasa bou di su maneho unda cu a tilda taxistanan cu ta bende permiso.
