Durante oranan di mainta trempan tabatin un protesta di e taxistanan cu a bini hunto na Bestuurskantoor y demostra nan malcontento cu nan ta riba e decision di Minister di transporte Ursell Arends a anuncia atraves di un comunicado di prensa unda cu a trece cambionan , punto number uno ,cu ta aumento di cantidad di asiento di 6 pa 7 asiento sin conta a stoel di chauffeur. E cambionan aki ta drenta inmediatamente na vigor despues cu a forma e decreto ministerial.
Punto number dos ta periodo di transicion unda cu operadornan di Taxi cu vehiculo actualmente cu tin mas cu 7 asiento sin conta e stoel di chauffeur mester adapta nan vehiculo pa regulacion nobo di maximo di 7 asiento pa 30 september 2024.
E di tres punto ta reglamento di sanacion unda cu departamento di transporte publico lo controla e incumplimento di duracion nobo di asiento y e medida di control lo cuminsa dia prome di october 2024 y si no cumpli cu e dos prome puntonan e ora e taxista lo haya sancion.
E prome sancion lo ta suspension temporario di licencia pa 30 dia y e di dos sancion ta un suspension temporario su licencia cu 90 dia y e di tres sancion lo ta un revocacion permanente di e licencia di taxi.
Minister Ursell Arends a anuncia e cambio di maneho aki den un luna y ta duna e taxistanan dos luna practicamente pa haci e cambionan di nan vehiculonan cu e ta exigi den e MB. E decision aki e mandatario a tuma sin consulta cu e taxistanan y nan no ta acepta esaki y a tuma e decision di bay mesora den protesta. E taxistanan a presenta dilanti bestuurskantoor unda nan a blokia e caminda principal dilanti di bestuurskantoor unda cu nan kier cambio y ta exigi pa minister para e maneho cu e mandatario a dicidi riba su so y su mes un dia pa otro pa cambia e maneho.
