Ronny Gomes ta un di e taxistanan cu tabata basta rabia y tabata sa di e mes un spion den e taxistanan, pero ta kere firmemente den su DIOS cu tur cos lo Sali bon, Awe Ronny ta duna di conoce cu e ta contento con tur cos ta canando y e oido cu nan a haya di e comision di transporte di parlamento di Aruba, pero e lucha ta sigui.
E comision a duna oportunidad na e grupo di taxistanan cu nan por a expresa nan mes y expresa nan preocupacionnan y cu nan a ricibi e mensahe bon cla. Ronny Gomes ta contento con tur cos a bay y ta kere cu ta riba e bon caminda y lo sigui cu esaki, awor e comision sa e lucha cu e taxistanan ta hibando, pero cu tur e derechonan cu nan tin. Importante ta cu e comision a compronde e parti aki y tampoco no ta husto cu tin cierto personanan cu ta pone hende contra di e taxistanan.
Actualmente nos tur ta bringando pa nos derechonan y a duna un splicacion y a trece tur e preocupacionnan mas amplio padilanti y e mensahe a yega y a compronde esaki tambe. Segun Ronny Gomes lo sigui cu e lucha y dia 21 di augustus tin un reunion cu e mandatario pero na mes momento no ta kere cu mucho escenario lo cambia eybanda debi cu e mandatario ta keda para riba su punto di bista, pero pa banda di e parlamentario nan a laga sa bon bon kico ta e punto di bista di e taxistanan.
Dia 22 di augustus e mandatario mester bin parlamento y despues di e reunion ey si mester yama e grupo di taxista bek lo nan ta presente bek. Importante di henter e proceso aki ta cu e comision a haya tur informacion completo y mas detaya. Sinembargo hopi storianan a keda conta sin cu ta berdad y esaki a bruha tera tambe y asina ta pone e taxinan den un mal bista dilanti otro siendo cu e situacion no ta asina.
Sinembargo tin un realidad y e realidad ta cu e problema ta hopi mas grandi y e grupo di taxista a vocifera cu e deseo ta pa e keda soluciona. Tanten cu e problemanan ey no keda soluciona e departamento no por funciona manera cu e mandatario ta desea. E departamento di DTP ta un departamento cu pa añanan largo no a funciona debidamente y e ta practicamente un departamento incurabel, e departamento di DTP mester di mas tools pa traha optimal y mester soluciona e problemanan ey prome cu bin cu cierto cambionan manera e dos MB nan cu no lo soluciona e problema berdadero, alcontrario e lo bira pio innecesariamente.
Banda di tur cos Ronny Gomes ta contento di tur e reaccionnan cu e la haya y ta muestra cu taxistanan ta canando den un bon caminda. Segun Ronny Gomes berdad den e ultimo reunion tabata basta rabia debi cu no a keda representa manera mester a keda representa den e prome reunionnan cu minister, pero awo tin cierto cambionan cu a tuma luga y ta hopi contento di e reunion cu a Sali for di dje y ta canando riba e bon caminda y e manera aki di trata otro ta duna un poco mas push pa sigui pusha pa e derechonan cu nos cu tin como taxistanan.
Loke cu mester ta bon cla cu e taxistanan no ta bringando algo cu nan no tin derecho riba dje , alcontrario nan ta para pa nan derechonan y ta puntonan cu tin añanan ta pidi y roga mandatarionan cu tin e cartera aki pa por soluciona y semper nan ta keda hala un banda y no ta atende cu e problemanan cu tin. Tin hopi mas puntonan cu a bin acerca y no por evalua nos manera cualkier otro trahado, tur e taxistanan ta un emanzaak y e tarifa cu ta paga na belasting ta un tarifa di emanzaak pero si minister ta doño of ta gobierno ta doño di e permiso e ora nos tin e mes un derecho tambe, segun taxista Ronny Gomes.
Nos no mester inventa e wiel dinobo y tampoco no mester hinca ningun hende cu no sa di dje pa nan duna nan opinion pa asina nan mustra cu ta e taxistanan ta esun di mas malo cu ta existi riba e mundo aki.
Taxista Ronny Gomes ta bon cla cu e no tin enemigo, minister Ursel no ta enemigo di e taxistanan y parlamento tampoco, pero e enemigo ta invisibel y esey ta bringando cu ta esun cu ta influencia henter e situacion aki di taxista cu awe tur e taxistanan ta den e situacion aki. Sinembargo Ronny ta kere cu DIOS su dilanti lo nan gana e bataya paso como hende no lo gana sin DIOS su dilanti.
Tambe a haci peticion na parlamento pa papia cu minister y haci e peticion pa para e dos MB nan debi cu e realidad ta tambe cu loke cu minister ta haci ta contra di ley y e ta kibrando ley. E parti aki ta e parti di mas straño unda minister Arends kier forsa algo cu no ta un ley y kier haci comosifuera e ta un ley. Sinembargo e peticion na parlamento ta pa pidi minister Arends pa pone e dos MB nan on hold y esaki dia 22 di augustus awo parlamento lo sinta cu e minister y lo tende kico lo bay pasa.
