Parlamentario Mervin Wyatt Ras tabata basta critico den parlamento pa loke ta trata e presupuesto supletorio y e presupuesto mes. E prome carteranan cu a keda trata den parlamento ta e cartera di Husticia y asuntonan social , enseñansa y deporte, Economia y integridad, transporte, naturalesa y adultonan mayor.
Parlamentario Mervin Wyatt Ras a enfoca riba e parti social unda cu a expresa diferente pensamento nan pa haci e area mas fuerte. Segun Parlamentario Mervin Wyatt Ras na prome luga a uni departamento di asuntonan social hunto cu GGZ cu ta e departamento di salud mental algo cu parlamentario Mervin Wyatt Ras no ta kere ta corecto y na unda cu ambos politico tanto minister Rocco Tjon y parlamentario Mervin Wyatt Ras ta diferencia di opinion. Ta kere firmemente cu GGZ cu ta e departamento di salud mental mester a keda bao di salubridad, pero mester tyraha conhuntamente cu otro.
E preocupacion ta keda debi cu si mester pone hopi atencion den e partio di salud mental e ora ta haya cu departamento di asuntonan social ta haya menos atencion. Nos tur sa cu e parti di salud mental ya caba ta bay cu terapia y ta bay diagnostica mientras cu e guia di socialezaken ta mas tanto un guia preventivo cu ta keda atendi den eerstelijn. Den a parti aki ta atende cu e mayornan ta duna nan tips y ta guianan den e proceso cu nan ta pega. Despues di e parti aki e guia mas intensivo ta cana hunto cu e profesionalnan di ortopedagogo nan.
E dos diferencianan aki ta importante pa mira pa nan no pasa riba otro y pesey mes parlamentario Mervin Wyatt Ras a expresa su preocupacion den parlamento.
