Tambu dumingu di tres rei na museo di tambu shon cola

E tradishonal tambú di suerte serka René na Museo di Tambú Shon Cola ta bèk. Tradishonalmente e djadumingu después di 6 di yanüari, fiesta di Tres Rei, ta dia di tambú. Ta dia ku ta klousurá e temporada di tambú. Fundashon Stripan ta invitá tur amante di tambú i tur esnan ku ke eksperensiá un bon tambú djaserka, pa bini djadumingu awor 8 di yanüari for di 6 or na Museo di tambú. Durante e tambú lo tin un akto di atenshon póstumo dediká na e konosido kantadó di tambú Shahaira “Aya” Kirindongo. Tambú di Dumingu di Tres Rei. Bin buska bo suerte na Museo di tambú Shon Cola na kaya Sabana Baka 31. Entrada ta grátis. Fundshon Stripan ta invitá bo. Un pueblo tin derechi riba su historia i su kultura.