*Isaias 40:29-31 ta para scirbi:E ta duna forsa na esun cansa, E ta aumenta poder pa esun cu cu ta falta
poder.
Hobennan mes ta bira cansa y fatiga, y hobennan cu vigor ta trompeca pisa.
Ma esnan cu ta spera riba Señor lo haña forsa renoba: Nan lo bula riba cu hala manera aguila.
Nan lo corre sin bira fatiga, nan lo cana sin cansa.
Isaias 26:3-4 ta para scirbi: Lo bo warda den pas perfecto esun cu su pensamento ta permanece den
Bo, pasobra e ta confia den Bo.
Confia den Señor pa semper, pasobra den Dios e Señor tin un Baranca eterno.
Dios ta balora nos confiansa.
Dios sa mihor cu nos kico nos mester.
Dios sa kico nos ta pasando aden.
Tur cos ta posibel cu Dios e conoce e deseo di nos curason.
E recompensa di confia den Señor ta salbacion di nos alma.( Juan 3:16).
Pesey Dios ta hala nos atencion den Jeremias 17:5 bisando:Maldiciona ta esun cu ta confia den hende
y haci carni su fortaleza, y kende su curason ta aleha for di Señor.
Pasobra e lo ta manera un mata den desierto, cu lo no ripara ora prosperidad ta bini, ma lo biba den
lugarnan seco den desierto, un tera di salpeter, sin habitante.
Hopi biaha hende ta kere den placa, y ta haci placa bira nan Dios, hopi biaha hende ta kere den hende,
y ta haci tur locual hende bisa nan, y ta pone confiansa den hende, cu por muri un ora pa otro, y lubiba
y aparta for di Dios cu ta biba pa semper.
Asina cu nos ta pone nos confiansa den nos mes, y nos ta laga Dios keda afo di tur nos asuntonan, nos
por conta cu e enemigo ta ataca nos, pasobra ningun hende por biba sin Dios. Y tur decision tuma
concientemente for di boluntad di Dios, ta lanta furia di Dios y ta trece resultado negativo pa hende.
*Pesey e palabra di Dios, ta bisa tur momento, no laga ningun hende gaña boso, ningun hende por haci
bofon di Dios, tur locual hende sembra nan lo cosecha.( Galationan 6:7).
*Ma salbacion di e hustonan ta bini for di Señor, E ta nan fortaleza den tempo di angustia.( Salmo
37:39).
*Esun cu ta paga tino na e palabra la haña bondad, y bendiciona ta esun cu ta confia den
Señor.(Proverbionan 16:20).
No tin nada di mas balor , cu ora nos deposita nos confiansa den Señor, Señor ta nos baranca fuerte,
solamente Dios ta nos fuente di salbacion, E ta balora nos confiansa, serca Dios nos por yega tur
momento y yora y entrega nos carga. E mes ta bisa pa nos tira nos carga riba dj’E. E mes mes ta bisa
pa nos no preocupa pa nada, pero trece tur nos peticionan serca dj’E cu gradicimento, y e lo duna nos
pas.
Materialismo,Orguyo,Arogancia y Malisia kier domina mundo, pero esnan cu ta depende di Dios, ta
wordo reconoci pa Dios,y Dios ta wardanan y defende nan.
Confia den Señor cu henter bo curason y no depende, riba bo mes comprendemento, den tur bo
camindanan reconoc’E y E lo dirigi bo berehanan.( caminda).
Den tempo aki caminda maldad ta aumenta tur dia, diabel ta loer na tur skina,hende a bira sin respet, y
nan ta halsa inmoralidad manera ta un prenda precioso, ta tempo pa nos para keto un momento y
analisa, y di berdad haci tur locual ta posibel pa nos hala mas serca Señor.
Senor ta goberna riba tur cos.
Sinceramente,Pastor Marcel Balootje.