Alerta !!!!! Maldad, malicia, inmoralidad, ta purba drenta tur caminda, pasobra manera hende grandi ta
bisa cu sinti di hende ta cashi di pica, y e ta posibel, ora bo ta gamble cu bo bida, y bo no ta busca ni
scohe un direccion corecto, pero bo ta purba cu tur cos, permiti tur cos, participa den tur cos, sin
ningun control, bo por haña bo den un situacion fisico, mental of spiritual caotico di cual dificilmente
bo por sali for di dje.
*No ta tur biaha cu un hende ta pasa den dificultad di bida, e por tira falta riba otro hende, bisa cu ta
nan falta cu cos ta bay malo pe, pero hopi biaha e forma di bida, cu un persona mes a scohe pa biba ta
determina su felicidad berdadero, of felicidad ficticio.
*Pasobra e mentira di diabel ta abunda tur caminda y tur hende mester ta consciente cu un bida sin
Dios, ta un bida constantemente na peliger, pa bo mes y pa esnan rond di bo.Nos ta bibando den tempo
trabahoso y nos tur ta mire ( 2 Timoteo 3:1-5).
Di berdad, di berdad, Dios ta stima nos tur, pesey tur hende mester reconoce cu ta cielo ta goberna.
*Proverbionan 16:1 ta para scirbi: E plannan di curason ta pertenece na hende, ma e contesta di lenga
ta bin di Señor.
*Proverbionan 16: 9 ta para scirbi:E mente di hende ta planea su caminda, ma Señor ta dirigi su
pasonan.
*Proverbionan 19:21 ta para scirbi: Tin hopi plan den curason di hende,ma e conseho di Señor esey ta
permanece.
*Proverbionan 20:24 ta para scirbi: Ta Señor ta dirigi pasonan di hende, pues con hende por
compronde su mes caminda?
*Proverbionan 21:2 ta para scirbi: Tur caminda di hende ta recto den nan mes bista,ma Señor ta pisa
curason.
*Proverbionan 16:25 ta para scirbi: Tin un caminda cu ta parce bon den bista di hende, ma su fin ta e
caminda di morto.
*Proverbionan 10:29 ta para scirbi: E caminda si Señor ta un fortalesa pa e recto,ma e lo ta destruccion
pa e hacido di inikidad.
*Isaias 55:7 ta para scirbi: Laga e malbado bandona su caminda, y e hende inhusto su pensamentonan,
y lage bolbe serca Señor . y E lo tin compasion cune, I serca Dios, pasobra e lo pordona
abundantemente.
*Job 42:2 ta para scirbi: Mi sa cu Bo por haci tur cos y cu ningun di bo propositonan no por wordo
stroba.
Mientras cu un hende ta tarda pa reconoce of no kier reconoce cu Dios a entrega tur autoridad na
Cristo Hesus riba e mundo aki, y nos tur mester kere den Cristo Hesus, pa asina nos tin bida eterna(
Juan 3;16-19) e persona ey no tin speransa den su bida.
Tur rudia mester dobla y tur lenga mester confesa cu Hesus Cristo ta Señor pa Gloria di Dios Tata.
*No lubida cu Cristo Hesus ta e unico caminda di berdad y e bida , ningun hende no por yega serca e
Tata sino ta pa medio di dj’E.
No tin crecemento den maldad, inmoralidad, droga, alcohol,bruheria, tur eseynan ta camindanan di
eror, caminda guia pa diabel, caminda cu scuridad ta domina, y desastroso lo ta e final.
*Ta momento pa reflexiona, ta momento pa cohe un inventario di bo propio bida, y haci un pregunta,
Mi ta riba e caminda corecto? Tene cuenta cu Galationan 5:19-21 pasobra e palabra di Dios no ta
cambia. Ta nos como hende mester arepenti y entrega completamente na Señor y laga Cristo Hesus
goberna nos bida.
Sinceramente, Pastor Marcel Balootje.