Critica pa trato cu ta haya den cuido medico sea cu e pashent ta insatisfecho cu e trato di su dokter of specialista,e persona por tin un diferencia di opinion cu e tratamento cu e dokter di cas of e specialista cu su tratamento, e pashent por evalua pa por entrega un keho na e comision di HAVA.
HAVA actualmente tin un procedura di keho na e momentonan aki unda cu tin un comision cu e pashent por manda un e mail pa asina por haya un solucion of e pashent por splica loke cu e ta insatisfecho cu ne.
Sinembargo ta diferente si na momento cu ta papia di un sospecho di un mal trabao medico of un negligencia medico. Si ta e parti aki lo mester mira kico ta e procedura cu mester cana. Na Aruba tin un ley y e ta regla. Un di e derechonan cu e pashent tin cu e por entrega su keho na inspeccion di salud publico na momento cu ta pensa cu tin un fayo den e tratamento medico of cu e dokternan no a sigui kisas e protocolnan corecto ect ect.
Por entrega e keho na inspeccion publico y asina nan lo investiga e caso. Lo mester manda un carta y firma e parti aki y duna e datonan completo.Di otro banda por evalua tambe si e sospecho ta di negligencia medico of di mal trabao medico. E pashent por evalua pa duna un keho e ora na Medisch Tuchtcollege cu ta esunnan di mas halto pa asina e wordo investiga, unda nan lo bay busca e otro banda di medaya tambe y busca pa sa kico tur e tuma luga. Mes un cos cu ta scucha e pashent ta scucha e otro banda di media di e dokternan of diferente otro instancianan tambe kico tur por a pasa.
Sinembargo vocero di AZV Solange Tchong ta duna di conoce cu asegurado di AZV, ta recomenda e persona semper ora cu e tin un diferencia di opinion of ta insatisfecho cu un dunado di cuido sea cu e ta un dokter of un specialista, e recomendacion ta pa purba di papia bek, pidi un consulta bek y purba di papia di loke por a pasa.
AZV ta haci e peticion na e comunidad pa comunica bon cu otro na momento cu no ta sinti bon di e trato ricibi, esaki ta debi cu loke AZV por saca afo pa varios aña caba di situacionnan cu ta pasa ta cu hopi biaha ta riba e area di comunicacion tin e mal interpretacion of e mal comprondemento. Den transcurso di aña nan AZV por a tuma nota cu den e area di comunicacion ta e parti cu mas por wordo mehora, pero mester bisa tambe cu e la mehora tambe paso e dokter y e specialista ta haci su esfuerso y ta splica hopi mas awendia. AZV tambe t’ey pa scucha tur su aseguradonan, tin un telefon special cu por yama pidi conseho of haya mas informacion y ta haya recomendacion kico ta e miho caminda pa cana
