Minister di finansas Xiomara Maduro a yama un conferencia di prensa pa anuncia BBO na frontera. Segun e mandatario prome cu e cuminsamento di e aña aki na momento cu a cuminsa trata e presupuesto a bin ta indica cu Aruba lo conoce e cobransa di BBO na un manera mas adelanta cu ta na e momento cu ta importa e producto lo cuminsa cobra e BBO.
Segun Minister di mfinansas Xiomara Maduro a tuma nota di e preguntanan cu a bin padilanti con e sistema aki ta bay traha, ki dia ta bay haya mas informacion mas detaya riba e ley. Sinembargo tin diferente seccion di informacion cu a tuma luga na departamento di impuesto hunto mcu Aduana pa asina tur e brokersnan y e gruponan di interes, stakeholders, gremionan comercial tur a cuminsa haya e informacionnan necesario na momento cu e ley a cana su caminda pa asina por ricibi su consehonan.
Entretanto e conseho a yega di raad van advies y di cual a cuminsa traha riba e contestanan y e remarkenan pa asina por haya e ultimo ahuste pa asina e ley por Sali pa parlamento.
Gobierno ta premira cu e ley por sali awe of mayan pa parlamento pa asina e ley keda trata den parlamento. Na cuminsamento a indica cu e ley lo mester a bin na vigor mitar di aña , pero debi na e tardansa di cual a surgi den trahamento di e ley a dicidi cu lo hala esaki 1 luna mas unda cu ta premira cu lo introduci e ley pa prome di Juli 2023
