Lider polkitico di MFK Glimar Pisas ta duna di conoce cu tabatatin diferente otro manera pa evita yega na e firmamento di e aguerdo di KOHO . Segun e politico e situacion di COVID ta algo apart y prome cu esaki como maneho e gobierno actual a kita hopi for di e pueblo cu ta pone cu no tin circulacion di sen.
Na momento cu mester bay over y tuma hopi medida riba pueblo bo mester saca e sen for di circulacion y ora cu saca e sen for di circulacion bo economia automaticamente ta krim y na momento cu e economia krim e pais tin un problema hopi serio paso na momento cu cuminsa krim ta pone cu locual cu e pais ta traha cu ne como presupuesto e ora e gobierno ta cuminsa haya su mes cu defecit segun Lider politico di MFK. E situacion aki ta hiba cu ne e ora gobierno mester hiba dobel medida .
Segun lider di MFK nan como un Partido cu ta conoci cu ta bin cu iniciativanan creativo y cu tin planesnan pa saca curacao for di e situacionnan cu e ta pasando aden. Segun Pisas tabatatin mas caminda cu gobierno di Curacao por a presta placa y saca curacao for di e situacion cu e ta hinca aden.
Lo por a haci uzo di un cantidad di sumanan cu por a paga e debe pa loke ta trata e situacion di COVID y despues inverti den economia pa asina e economia por sigui drei. Lider di MFK ta haya lamentabel cu nan como MFK no ta den gobierno y cu no por haci posibel e strategianan aki .
Sinembargo loke cu ta un realidad e situacion di COVID ta un situacion hopi dificil , pero banda di esaki manera cu e gobierno a drei cu e presupuesto caminda cu nan no tabata realistico y ta keda accepta cada biaha pa CFT duna direccion caminda cu nos mes por duna direccion conforme nos cultura y enbes cu nos mester corta , esaki tambe ta un situacion banda di e situacion di COVID cu ta un situacion mundial no ta un cos pa haci politica cu ne , pero tog gobierno mester tin un plan despues di COVID con bo ta sigui y mira e presupuestonan cu gobierno ta entrega y ta pre mira cu nan no tin ningun plan den futuro cu no ta solamente keda fia fia so, segun lider di MFK. Dutchcaribbeantv y EA news ta conectabo cu Caribbe
