Parlamentario Endy Croes ta desapunta totalmente con Hulandesnan a tuma e timon over den airport. Desde medio 2020 mei mei den e pandemia ciendo cu AAA ta ricibi alrededor di 1 miyon florin na loonsubsidie AAA y Director Hulandes Joost Meijs a cuminsa pasa machete riba nos emmpleadonan lokal. Hopi di nan cu hopi aña di servicio. A bin cu e plan y actitud a la “Machiavelli”. Machiavelli ta un filosofo Italiano conosi pa manilpula. Pa logra nan propio proposito ta asina importante pa usa cualkier methodo bon of malo sin importa cu nada basta nan logra nan meta.
/// Quitate tu pa ponerme yo:
Ta parse cu ningun hende kier para e abuso aki. Ta laga un Directeur Hulandes cu bendicion di Board AAA hasi y deshasi cu nos hendenan. Berdad Airport a sufri den 2020 pero esey no ta significa cu e sufrimento ta pa semper. Por a nota e cambio caba den December 2020 cu 163 buelo y 45 mil turista cu ta duna señalnan di recuperacion mas rapido cu a anticipa. A bringa y a kita 27 hende desde inicio di a Plan. Despues Joost a sigui cu su plan Machiavelli y a “FORZA” un cantidad di empleadonan contra nan boluntad pa firma. Esaki Joost y su team a logra door di hasi nan bida amargo y imposibel unda varios empleado a prefera firma, conteniendo nan rabia, pero pa nan por tin minimo un paz mental. Joost a sigui su trayecto cu 14 empleado mas kendenan a abstene pa firma inicialmente pa bay cu un pakete y awor Joost y AAA lo hiba nan corte. Lokual ta incomprendibel pa Parlamentario Endy Croes ta e hecho cu promer cu hiba e empleadonan aki corte awor den luna di Januari, bou di e pretexto “re-structura y re-organisa” a splika dicho empleadonan cu den e proceso aki nan posicion lo keda afecta negativamente y e posicion ey lo no bay existi mas. AAA ta consehanan pa nan solicita pa otro vacatura y otro posicion den e organisacion. Mesun momento ta sali vacatura pa mesun posicion riba Facebook di Airport pa mesun posicion cu nan ta kitando hende. ( see attachment). Who is fooling who? Por ehempel ta bringando kitando un IT y ta sali vacatura pa IT. Esnan por ehempel cu ta cay bou Construction Engineer ( nos hendenan lokal) a pone nan riba lista “affected not exchangeble” y pues nan no mag ni solicita bek. Pa sorpresa ta buskando hende nobo pa e areanan aki tambe. Parlamentario Endy Croes ta hopi indigna di lokual ta pasando den Airport y kisas tin di haber cu falta de “cojones”. Nos no por laga un Hulandes dicidi tur cos y nos mester keda keto paso Hulanda a bisa cu gobierno no mag de mete. Den bida hopi cos por pero ta boluntad mester.
/// AAA ta compara recuperacion solamente cu e mihor aña den su historia:
Parlamentario Endy Croes ta di opinion por a sinta na mesa y discuti kisas salario den e transformacion cu esnan cu awe nan kier kita. Den bida mester aprecia tambe esnan cu a traha aña aden y aña afor cu amor y pasion pa un compania. Momento un pandemia dal cu ningun hende na mundo a anticipa tin compresion cu hopi cos lo cambia y pesey mester tin otro manera pa deal cu e situacion aki. Airport su total revenue na 2016 ta 121 miyon, na 2017 ta ripiti un bes mas 121 miyon y na 2018 esaki a aumenta pa 139 miyon mientras na 2019 a kibra tur record den historia alkansando 157 miyon. Consecuentemente na 2016 e net revenue tabata 18 miyon, na 2017 e net revenue a alkansa 20 miyon, na 2018 esaki tabata ta 28.6 miyon y na 2019 a logra un net revenue histocrico di 37 miyon clean. Den 2018 por ehempel gobierno a ricibi solamente 1.8 miyon florin na dividendo di e 28.6 miyon di ganashi cu Airport a hiba. Parlamentario Endy Croes ta compronde e situacion actual cu e pandemia a causa pero ta contra e manera cu AAA ta hunga cu cifras pa hasi prognosticonan comparando solamente cu aña 2019 cu ta e aña cu AAA a logra un record den henter historia di nos pais. Lo ta na su lugar pa AAA usa cifrasnan di añanan 2016 y 2017 cu tabata igual esta total revenue na 121 miyon enbes di ta usando 157 miyon di aña 2019 . Dado caso kier midi y compara e recuperacion atraves di e “revenue generating passengers” RGP mester usa tambe datos di averahe di añanan anterior y no solamente RGP 1.265.965 miyon di 2019 cual AAA ta usando awor pa compara e recuperacion. AAA actualmente ta enfoka den 4 aña esta na 2025 pa yega bek na cifrasnan di aña 2019 cual no ta hustificabel. Parlamentario Endy Croes ta termina splikando cu lo sigui e desaroyo na AAA hopi di serca.
