Jhonny van Eerden ta trahado pa accesibilidad digital na Archivo Nacional Aruba. Den e proceso por a tuma nota cu tin algun persona tin dificultad con pa yega na e informacion desea. Segun Jhonny van Eerden por busca dos manera , uno abase di metadata of fulltext.
Metadata ta informacion cu ta keda agrega door di un persona cu ta traha na un instancia, porehempel su BNA y su archivo cu por saca esaki di tur e instancianan cu ta forma parti di e coleccion di e plataforma coleccion.aw.
E di dos parti ta e fulltext cu ta crea fuente di informacion di entrada manera un corant of un documento cu ta skirbi na man cu por busca den su contenido. Segun Jhonny van Eerden por mire casi mes un manera cu ta busca den un whatsapp unda cu tin full un storia skirbi y eynan ta bay busca informacion.
Esunnan interesa den historia di Aruba a crece, e aña aki Hulanda a duna su despensa na e islanan den Caribe y a bin e conmemoracion di sclavitud y aki ta caminda cu a mira hopi interes unda cu hopi persona ta desea di sa for di unda nan a bin. Pesey mes Archivo Nacional Aruba ta hunga un rol hopi grandi unda cu awo por brinda e servicio unda cu por duna e personanan extra informacion unda cu nan mes por busca y haya sa mas di nan propio antepasado.
Den e parti aki Archivo Nacional Aruba ta ricibi ayudo di Hulanda den e sentido cu ta haya e archivo nan bek den forma digital y por procesonan pa e comunidad di Aruba haya mas informacion. Digitalisacion ta hopi importante y esencial debi cu di e manera aki ta conserva mas. Na Archivo nacional e documentonan ta fragil y un dia nan por cay for di otro y a ripara e parti aki cu algun documento caba. Un dia e documentonan por desolve y si nan ta digital por conserva e historia puro pa generacionnan.
Awendia nos tur tin un telefon of un computer y practicamente tur cos ta digital y no por kita esaki mas den e sociedad. Pesey mes e entrada di informacion ta asina importante pa sigui desaroya bo herencia cultural riba un manera digital.
