ORANJESTAD,Aruba
Parlamentario Endy Croes ta splika cu Militair Knops Lider di campaña di CDA amigonan di AVP a actua sigur na un manera incorecto ultimo simannan. Desde 6 di Juli Militair Knops a presenta 2 condicion adicional si sorpresa. Criyoyo bisa a presenta esakinan for di Leftfield. Ta trata di (2) Rijkswet mas 218 pagina y tabata kier pa Promer Minister firma esakinan promer cu 10 di Juli anto sin laga Parlamento lesa esakinan. Ta con sinberguensa e Militair aki por ta?
/// Militair Knops a corta 136 miyon di e prestamo sin consulta previo:
Despues cu desde 10 di Juli a keda den combersacion y negosacion cu Militair Knops pa purba jega na un trato husto y sostenibel por a tuma nota cu e postura di Hulanda ta uno cu no kier negosha praktikamente. Den negosacion tin minimo 2 partido y Bo ta purba jega na algo husto unda tur dos por bay di acuerdo. Esaki sinembargo tabata eenrichtingsverkeer y ta lokual Militair Knops bisa ta bay. Dia 4 di September ultimo sorpresivamente Militair Knops a corta 136 Miyon di prestamo pa Aruba. Aunke cu CAFT a duna conseho positivo 24 di Juni 2020 pa duna Aruba 204 miyon na prestamo pa lunanan Juli-Augustus-September, Militair Knops unilateral a dicidi cu e lo corta 136 miyon riba esaki. Esaki ta sin cu Aruba a firma cu Hulanda corda si Aruba firma un dia. Ta con esaki lo por funciona?
/// Militair Knops ta admiti cu el a tuma un descicion eenzijdig:
Militair Knops no a keda ningun tiki contento cu Minister President di Aruba na un forma corecto y elegante a splika diahuebs anochi den un discurso nacional cu NO lo firma cu Hulanda pa awor pior ainda awor cu Hulanda ta just corta 136 miyon florin di un prestamo aproba sin consulta previo. Knops a jama mesora diabierna e dia siguiente expresando su desgusto. Mesora Minister Presidente a pone Knops para keto splikando Knops cu asina Bo no ta trata cu partners igual den Reino pero mester por tin poko mas respet pa otro. Segun Knops cu como cu Aruba no a firma desde Juli su persona a pensa cu Aruba lo firma 11 di September ultimo anto automaticamente el a verschuif e prestamo cu 2 luna esta e 204 miyon lo bira awor pa lunanan September-October y November. Esaki kiermeen cu a keda un buraco pa lunanan di Juli y Augustus unda Gobierno di Aruba a maniobra durante lunanan cu tabata negosha y schuif jen di pagonan sea na comerciante of pago pa productonan y tambe di cuido pa asina por traspasa e lunanan dificil. Tristo un mandatario Hulandes den pleno campaña como Lider di campaña di CDA di cual AVP ta zuster partij ta trata Aruba na un forma desformal asina.
/// Mientras un porta ta sera otro ta habri:
Aruba pa 34 aña no a presta na Hulanda pero semper a presta riba plataforma internacional entreotro na new York y tin amplio experencia den prestamonan internacional y nunka a cay den default y semper a cumpli. Awor cu e actuacion bochornoso y eenzijdig di Militair Knops Aruba a consulta otro mercado mesora y a resulta cu portanan ta hancho habri pa Aruba alrespecto diferente forma(nan) pa jega na financiamento. Despues cu desde 4 di September Militair Knops a hiba e postura robes aki mesora Aruba a consulta y gracias a Dios a logra haña financiamento pa cubri September y October. Adicional mester bisa cu e apitit Internacional ta para kla pa juda pa henter aña 2021 tambe. Pues Aruba tin espacio pa sigui negosha cu Hulanda pero alaves negosha un pakete pa ful 2021 cu prestamonan internacional na interes super atractivo.
/// Militair Knops a corta 35 miyon den cuido mei mei den crisis:
Mientras henter mundo a inverti mas den cuido di salud di nan hendenan mei mei den e Pandemia aki Militair Knops a bin cu e briyante idea cu Aruba mester corta cu 35 miyon den zorg. Solamente pa Aruba esaki ta valido no pa Corsow tampoko St Maarten y tampoko Hulanda. Esaki ta lanta e pregunta ta kiko precies Militair Knops kier logra cu Aruba anto? Tempo lo mustra pero cu actitud di dictador asina aki nos no lo jega leew. Spera consenshi por remorde y trata Aruba cu respet
