Aruba a pasa den un eleccion politico y democracia y a papia pa su mes. Sinembargo e resultado di eleccion Aruba a duna un mensahe cla y raspa. E dos partidonan mas grandi na Aruba no tin un mucho diferencia riba nan di loke pueblo ta papia, dus pueblo kier AVP y MEP.
Partido AVP a logra 17876 y MEP 17572 esaki ta un diferencia di 304 voto. Tambe segun e urnanan ta sali e diferencianan na momento cu un biaha AVP ta laga MEP y MEP ta laga AVP no ta grandi. Esaki ta significa cu Aruba ta haci un yamada na e dos partido nan mas grandi pa reflexiona y uni, pone Aruba na prome luga , laga diferencianan di opinion un banda y uni.
Si e escenario aki sosode esaki ta significa cu pueblo ta uni y un pueblo uni ta un pueblo fuerte den parlamento y por traha cu un meta , esta Aruba
Den e resultado di eleccion 2024 tin hopi escenario cu por sosode, awor mester pone un formador pa asina pone e scenarionan aki riba mesa pa cuminsa forma gobierno, pero kico esaki lo ta pa Aruba, cua ta e escogencia di escenario lo ta esun di mas fuerte cu por traha pa Aruba?
Si AVP y MEP dicidi di traha hunto ta papia aki di un gobierno solido y poderoso, si mester evalua esaki ta loke cu pueblo kier tambe,esaki ta bisto na loke Aruba a vota, gobierno no lo por cay zomaar, manera cu nos ta mira cu e partidonan chikito a bin ta haci den e ultimo añanan.
Si AVP y MEP sinta esaki lo ta pa prome biaha den historia esaki lo sosode y cu realmente e dos partidonan aki ta scucha e pueblo votado. Esaki lo mustra madurez y ta mustra tambe cu e politiconan ta pone nan diferencia di opinion un banda pa saca Pais Aruba padilanti.
Si mester mira bon , esaki ta loke “letterlijk” ta loke cu e pueblo a dicidi pe mirando e resultado di eleccion. Pueblo a pone e dos partidonan di mas grandi na PAAR di otro y esaki ta e mensahe, boso traha cu otro hunto pa e pais Aruba. Si mira bon esaki ta e mandato di pueblo di Aruba.
Ta bisto cu e pueblo no ta cu FUTURO MEP of FUTURO AVP, ta bon cla cu e pueblo ta cu MEP y AVP y e mensahe aki ta bon cla cu pueblo votador kier e dos partidonan di mas grandi sinta hunto. E pregunta ta keda tin madurez politico?, e dos partidonan aki sinta y papia nan diferencianan y traha pa Pais Aruba ta posibel cu nan ta honra e yamada di pueblo? E dos partidonan grandi ta cla pa vocifera e voz di pueblo den parlamento? Dicon no por , si pueblo a dicidi esaki.
Si para keto un rato na momento cu ta papia di asiento ta papia cu pueblo di Aruba a duna AVP y MEP 17 asiento y si e gobierno aki nan uni hunto ta significa cu nan ta bira un gobierno hopi poderoso pa negosha cu Hulanda, pero cu ambos ta respeta e palabracionnan gubernamental y focus riba Aruba pa asina tur hende ta bon . Si resulta cu AVP y MEP yega na otro e lo ta un momento historico pa Aruba.
FUTURO e ora lo keda cu su 3 asiento den parlamento y PPA cu 1 unda cu nan lo vigila gobierno di Aruba di un manera skerpi
