Entrante dialuna 31 januari SVb Aruba ta normalisa bek tur orario y procedura adapta pa locual ta trata notifcacion AO y yamada pa consulta medico na 527-2730.
Tambe dia 31 di januari ta e ultimo dia riba cual no tin nodo di yama SVb den caso cu ta bay den cuarentena bao autoridad di DVG. Entrante prome di februari tur esnan cu mester bay den cuarentena di DVG ta notifica AO cerca SVb segun e procedura normal.
Esaki ta nifica cu entrante dialuna dia 31 di januari:
E trahado ta notifica AO cerca SVb den caso cu ta bay den cuarentena di DVG
E trahado ta yama pa consulta medico riba e di tres dia desde cu a notifica AO na 527-2730 ta 7:00 AM pa 9:00 AM di dialuna pa diabierna.
E doño di trabao no ta administra mas e lista di notificacion di AO pa cuarentenaPor entrega e lista di AO pa motibo di cuarentena te 15 februari 2022
Te cu 31 di januari e doño di trabao ta administra e lista di empleadonan cu a notifica AO pa motibo cu a bay den cuarentena. Entrante prome di februari no ta haci esaki mas y e trahado ta notifica AO na SVb pa motibo di cuarentena.
E doño di trabao tin te cu 15 di februari 2022 pa entrega e lista aki. Despues di e fecha aki e lista aki no lo wordo procesa mas pa SVb y no por claim e dianan aki mas
