PARAMARIBO,Suriname
Despues di un bataya largo eleccionnan na Suriname a yega na su final. Lider di VHP sr. Chan Santokhi lo bira Presidente di Suriname, Ronnie Brunswijk lider di Partido ABOB lo tuma over di Jennifer Geerling-Simons como Presidente di Asamblea Nationaal di Suriname. Un coaliccion cu lo ta forma dor di e partidonan VHP, ABOB, NPS y PL. Despues di 10 ana di semi dictadura di Desiree Delano Bouterse Suriname por conose un comienso nobo y un futuro grandi. Por a tuma nota den noticianan rond mundo cu Suriname a logra haya petrolio den canto di nan costanan. Esaki ya caba ta den proceso pa wordo processa como petrolio / crudo. Abase di informacionan internacional ricibi for di APACHE esaki lo nifica cu den e proximo 10 anjanan Suriname lo por bira un di e paisnan mas rico den Sur America. Suriname no ta un pais desconosi pa nos na Aruba. Mayoria Arubiano conose y a bishita Suriname cu su naturalesa grandi y diverso.
Pa locual ta e resultadonan official di un eleccion cu a dura 5 dia largo ta lo sigiente:VHP a tuma 20 asiento, NDP a tuma 16 asiento, ABOB a tuma 8 asiento, NPS a tuma 3 asiento PL a tuma 2 asiento y BEP tambe a tuma 2 asiento. Despues cu VHP, ABOB, NPS y PL a forma coalicion nan a forma e mayoria.
Kiko esaki por nifica pa e figura dictador Desi Bouterse cu a fungi como Presidente di Suriname pa 10 ana largo?
Desi Bouterse den pasado a wordo conosi como e figura comandante cu e tene un coup den ananan 80 hunto cu su grupo di miltar. Den e tempo aki Suriname a conose un di su momentonan di mas scur. Riba un anochi unda cu 15 persona cu tabata contra e mando den forma di dictadura di Desi Bouterse a wordo liquida na forma di execusion. E dia aki a wordo conosi como de “December Moorden”. Cu a tuma lugar riba 8 di December 1982. Despues cu famianan di e 15 cuidadanonan aki a lucha pa mas cu 30 ana hunto cu ayudo di Chan Santokhi (Cu awor lo bira Presidente di Suriname) a logra pa Desi Bouterse a wordo condena pa 20 anja na prison pa cu e pruebanan cu a bin dilanti cu e 15 ciudadanonan aki a wordo likida sea na su man of bou su mando.
Awor a yega un momento unda cu un lucha di mas cu 30 anja lo por wordo finalisa y clausura pa cu tur e tristesa y lucha cu Suriname a pasa dor di dje.
E Arubiano News ta felicita henter communidad di Suriname pa cu e logro y comienzo nobo aki.
