Siguiendo ku e partisipashon di nos organisashon na e “Summit of the Future” di Nashon Uní na New York, Davika Bissessar, presidente di Boneiru Human Rights Organization, i James Finies, fundadó di Movemento Pa Kambio, a logra partisipa I envolvimento éksitosamente ku más ku 100 lider mundial, inkluyendo Presidente, Prome Minister, Vice-Presidente, Promé Dama, CEO, lider di organisashon, monárkia, sosiedat – sivil i hubentut durante un siman. E lidernan mundial a uní i a akordá riba “E Pakto pa Futuro” i pa no laga niun hende atras. Nos a uní pa hala atenshon urgentenamente riba derecho di Boneiru pa outo-determinashon i e violashonnan kontinual di derecho humano ku nos pueblo ta enfrenta.
Parti di Deklarashon di Boneiru na e “Summit of the Future”:
“Nos tin un futuro? Nò! Dikon?
Nos sistema di edukashon i nos idioma nativo, Papiamentu, a wordu remplasa pa ful idioma colonial standard pa sostene e settler-kolonisashon di Hulanda-Europeo. E degradashon aki ta separá nos yunan na sistemanan di edukashon inferior—no brain-drain, sino kolonisashon di mente—forzando nan den un sistema kolonial ku ta depriva nos hubentut di nan derecho humano i nan futuro.
For di 2010, nos ta enfrentando ku depopulashon sistemátiko i institushonal i eliminashon di nos pueblo. Pa 2017, nos populashon nativo a baha bao di di 40%, i awe, den 2024, nos ta ménos ku 32%, un minoria riba nos mes tera natal. Komo un pueblo kolonisá, nos no tin poder pa para esaki. Nos ta desaparesiendo i e mundu ta testigo di esaki.
Nos Rekomendashon: Nos ta parti di esnan lubida, esnan ku a keda atras? Awe, nos ta hasi un yamada pa solidaridat di e “Summit of the Future”. Nos ta urgi boso pa uní ku COPPPAL i CARICOM su plan di dies punto revisá i e Grupo Inisiativo Baku den nan lucha kontra kolonialismo i pa reparashon. Por fabor adopta Boneiru komo un proyekto di futuro – “Salba Bonerianonan, no solamente krisis di klima.”
Nos Mensahe: Auto-determinashon: Boneiru tin e derecho inalienabel pa determiná su mes futuro polítiko, sin interferensia di un poder eksterno. E derecho fundamental aki ta wordu nengá, den violashon di ley internashonal i prinsipionan di Nashon Uní riba igualdat i hustisia.
Nos Yamada pa Akshon: Nos ta demanda ku Reino Hulandes i e komunidat internashonal pa respetá e derecho di Boneiru pa outo-determinashon i pa Boneiru wordu reinstalá den e lista di Nashon Uní pa Teritorionan Sin Propio Gobernashon.
Akshon inmediato ta nesesario pa solushon na e abusonan di derecho humano i pa sigura representashon husto i akseso na rekursonan.
Nos ta urgi Nashon Uní i institushonan internashonal pa suminstra supervishon i mantene tur partido responsabel.
Nos ta hasi un yamada riba e islanan semi-outónomo Hulandes – Aruba, Kòrsou, i Sint Maarten – pa sostené e hecho ku e pueblo di Boneiru nunka a skohe pa wordu ekspulsá for di “Statuut” i tampoko pa wordu integrá den e Konstitushon di Hulanda. Nos ta urgi nos islanan ruman pa pará ku Boneiru den su lucha hustu pa outo-determinashon i pa sostené su rumanan Boneriano den e lucha aki pa hustisia i outo-gobernashon.
Nos pueblo di Boneiru meresé hustisia, dignidat, i e abilidat pa determiná nan mes futuro.
Movementu pa Kambio
