Suministro di koriente ta keda kritíko despues di kandela

Riba djárason 7 di yüni a surgi un kandela na e fasilidat pa generá energia na Karpata. E personal di ContourGlobal Bonaire (CGB) i bombero a atendé mesora ku e kandela. No tabata tin víktima i te na e momentunan aki no a identifiká daño na e otro unidatnan pa generá energia.

Pa protehá e planta, mester a deskonektá suministro di koriente temporalmente pa algun area na Boneiru.

Despues di un evaluashon, a isolá e ekiponan afektá i a re-inisiá balanse di e planta di un manera seif i liber di evento kaminda a restourá koriente pa e isla ku bon kordinashon entre WEB I CGB.

CGB ta buskando alternativanan pa minimalisá e impakto riba e suministro di koriente pa e isla. Adishonalmente, CGB lo ahustá e meks di energia pa garantisá stabilidat riba e ret. Sinembargo, e suministro di energia ta keda krítiko.

CGB I WEB ta gradisí empleadonan i kontratistanan pa nan asistensia durante e emergensia ariba menshoná.