Sue Ann Ras contra tur expectativa a dicidi di participa un biaha mas den eleccion parlamentario. Manera ta corda, e político aki mes a tuma su retiro después di e incidente di Netflix durante reunión di Parlamentonan na Hulanda.
El a keda den arena, yudando Minister Glenbert Croes. Na momento cu líder di MEP mr. Evelyn Wever Croes a acerc’e pa subi lista, el a dicidi di bisa si.
E ta mira cu door di e pandemia e crisis social lo ta hopi mas grandi cu den pasado. Esey a haci cu pone cu MEP a pone un fase 2 di Social Crisis Plan y fortalece e scolnan, por medio di e maestronan y poniendo trahadonan social na nan disposición.
Salud mental ta un preocupación serio y tin un taboe ainda riba e tema aki. E mes a topa cu hopi hoben, kende a expresa nan sentimentonan di miedo y hasta miedo di papia di nan trauma cu nan mesun famia. Esaki pa miedo di yama nan pa loco. P’esey e ayudo aki mester bini mas lihe.
Pa loke ta su retiro, el a bisa cu el a tuma su retiro como parlamentario, pero no a Sali di política. Awo den campaña el a haya un sosten hopi grandi. Esey el a sinti bou di e pueblo, cu a admira su sinceridad. Mas ainda a demostra cu e ta traha pa Aruba y no pa un partido. Principalmente pa e mucha y hobennan.
