Sub Plan di Accion entrega pa edificio nobo pa scol na Saba

E entidad publico di Saba a entrega un Sub Plan di Accion na Ministerio di Educacion, Cultura y Ciencia (OCW) y SZW pa construccion di dos edificio. E edificionan aki lo mester bay pa e scolnan Kleuterschool Sagrado Curazon, Laura Linzey Daycare y scol trai merdia di Saba Girls and Boys Sports Society.

E necesidad urgente pa construccion di e edificionan nobo ey na St. John, banda di SHS y Saba Comprehensive School (SCS), a wordo discuti durante e reunion di Comision Central di e Conseho di Isla diamars ultimo. Diferente miembro di Conseho di e Isla a haci pregunta relaciona cu statis di e proyectonan pa expande SHS y renoba / expande SCS.

Comisionado di Educacion y Finanza Bruce Zagers a splica cu e entidad publico, via di e Oficina di Planificacion, a entrega un Sub Plan di Accion specificamente pa expansión di SGS, na ministerio di OCW y SZW. Tin consultanan tumando luga. E plan y e fondo asocial cu e financiamento lo wordo discuto cu Ministerio di OCW y Ministerio di Asuntonan Social y Labor (SZW) durante bishita di Zagers y Secretario di Isla Tim Miller na Den Haag den e prome siman di juli.

Master Plan di Accion

E sub plan di accion pa expansion di SHS a wordo diseña despues di e Master Plan di Accion c uta cubri edificio di educacion na Saba.

E expansion di SHS a wordo poni como prioridad. E actual edificio di SHS ta mas cu 30 aña bieu y tin mester di mas espacio debi na e cantidad grandi di interes di studiantenan. E expansion di e kindergarten ta esun mas urgente. Door di move e dos klasnan di kindergarten den e edificio nobo, espacio necesario lo wordo crea pa e otro klasnan cu ta creciendo.

E daycare ta parcualmente ubica den e ex Cas di Gobernador como un medida temporal. E edificio no ta cumpli cu tur e exigencianan y tambe ta birando chikito pa e cantidad creciente dio muchanan.

Un asunto adicional na e daycare ta e hecho cu un cantidad di mucha cu a yega edad pa bay kindergarten no por haci e transicion debi cu e kindergarten ta na su capacidad maximo caba.

Un clima di scol saludabel

E partidonan envolvi den e proyecto, e scol, daycare, cuido despues di scol, e ministerionan di e Entidad Publico di Saba, ta di acuerdo cu e dos edificionan nobo aki lo contribui na un clima saludabel na e scolnan, stimulando un ambiente agradabel pa siña. E edificio nobo lo cumpli cu exigencianan general tecnico y reglanan relaciona cu facilidadnan di educacion, entre otro e espacio necesario pa cada mucha.