Dylan Fingal ta un studiante cu a bay studia na Hulanda aña pasa ta conta su experencia cu Hulanda. Awe ya caba ta un aña a pasa di su estudio na Hulanda y a pasa e prome aña cu exito, no a duda y a scoge su dushi Aruba pa bin pasa su vakantie. Actualmente e ta biba na Leiden y ta studia na Universidad na Leiden studiando Notarieal Recht.
Dylan Fingal nunca no a bay Hulanda y dia e la dicidi di sigui su estudio na e pais Hulandes tur cos tabata nobo pa su persona. Na mes momento ta kere cu scolnan por prepara e muchanan hopi mas miho na momento cu e hobennan mester studia den exterior. E mes como studiante prome biaha na Hulanda tabatin decision nan cu e mester a tuma unda cu e tabatin duda riba dje, si no tabata pa e studiantenan cu ta biba na Hulanda caba lo e no tabata sa kico pa haci.
E problema di mas grandi ta cas, Dylan ta kere cu na momento cu e studiantenan ta den 3de jaars ya caba mester cuminsa na laga e muchanan cu tin intencion pa bay studia den exterior pa cuminsa pa skirbi pa cas. Sinembargo e informacion ta yega na e studiantenan na momento cu nan ta den examen klas y esaki basicamente e hoben ta laat caba pa cas.
Loke cu tambe ta haci un impacto riba e hoben ta e adaptacion di cultura, e cultura ta diferente, siña biba bo so y haci tur cos bo so. Loke cu ta hopi bisto ta cu e cultura Hulandes no ta mes un cos cu e cultura di Aruba. E cultura Arubiano ta mas caluroso y ta yuda otro , pero e cultura Hulandes ta mas seco y ta hopi riba bo mes. Na mes momento ta haci e como studiante hopi independiente y mester dies custuma cu e personanan cu ta biba na Hulanda.
Segun Dylan Fingal aunke cu lo tabatin un universidad aki na Aruba cu su estudio lo e scoge tog pa bay studia afo, paso esaki lo pone siña un cultura nobo , e ta haya experencia den diferente area y ta conoce hende nan nobo tambe. Na e mes momento ta sali afo for di e mentalidad di e isla debi cu Aruba ta hopi chikito y tur cos tur dia ta mes un cos, pero si sali for di e isla, biba y studia otro caminda ta siña mira otro cosnan den bida diferente y di un otro perspectiva.
Na mes momento Aruba mester haci su mes mas atractivo pa e studiantenan den exterior bolbe Aruba bek. Hopi biaha e studiantenan ta studia y sea nan ta hopi cualifica y no ta yega na e rango y of e trabou cu ta desea paso otro tine of mester warda hopi of mester bay traha otro caminda cu no a studia pe.
E conseho di Dylan ta pa cada hoben cu scoge un estudio pa nan studia na Hulanda pa nan cuminsa busca cas dos pa tres aña delanta y no warda pa ultimo. Actualmente Dylan Fingal ta studiando Notarieal Recht na universidad di Leiden y a pasa su prome aña di e 4 añanan cu e estudio ta. Dylan Fingal sa caba cu pa e tempo cu e termina su estudio e lo haya un cupo di trabao paso Aruba tin mester di mas notario y ta kere pa tempo e caba su estudio tin posibilidad nan cu por haya un trabou na Aruba y e deseo t’ey pa bin biba bek na su isla bek.
Na mes momento Dylan Fingal ta encurasha tur e hobennan cu ta bay studia e aña aki den exterior pa nan keda focus loke nan tin deseo di studia y no laga ningun hende hinca miedo den boso, pero tuma e iniciativa y haci bo best pa logra bo soño y bira un profesional den e ramo di trabou.